Pregúntalle a un deseñador: crear un fogar con estilo en branco e negro cun orzamento limitado

Neste fogar, Mia decidiu ir a por todas e utilizar o branco e o negro en cada unha das estancias do fogar, dende o chan ata os mobles e mesmo as paredes. E mentres que as modas van e veñen, esta clásica combinación de cores manterá a súa personalidade intacta durante anos.

A fin de suavizar as liñas rectas e formas cadradas dos mobles, así como para engadir algo de textura, Mia traballou con capas de diferentes téxtiles co prezo máis baixo posible. Na sala de estar, por exemplo, hai unha alegre combinación de coxíns no sofá e un colaxe de alfombras TIPHEDE de algodón reciclado cobre o chan.

Unha das cousas máis bonitas e orixinais que podes engadir ao teu fogar é a túa historia persoal, cousa que non custa nin un patacón. Mia expuxo diferentes coleccións de obxectos valiosos para os habitantes deste espazo por todo o fogar, mais sobre todo nas solucións de almacenaxe. Fotos de familia, obxectos das feiras, lembranzas das viaxes e tesouros agasallados: isto é o que de verdade lle dá a este fogar sensación de amor e vida.

O mesmo serve tanto para as fotos como para a decoración do fogar: unha boa iluminación é a clave! Mia cre firmemente en que este é un dos xeitos máis económicos, mais tamén máis infravalorados, de dar un aire novo ao teu fogar nun instante. O truco consiste en combinar varias fontes de luz para diferentes actividades en cada estancia: por exemplo, unha lámpada de teito que ilumine toda a estancia ou unha lámpada de pé que ilumine o asento da túa cadeira favorita.