Un pequeno dormitorio que di moito de ti

Esa colección de láminas de cinema vintage que os teus compañeiros non aprecian, ou a reliquia que é o teu delicado xogo de té que non podes confiar a ninguén. O teu dormitorio é o lugar no que podes expoñer e gozar das túas cousas favoritas! Naturalmente, é posible que o que máis che gusta non sexan "cousas" realmente. Se o teu é máis a acción, un sofá pode ser un engadido fantástico para o teu dormitorio, pois é perfecto para estar cos amigos en privado ou para evadirte un par de horas cun libro.

Se o teu cuarto é algo pequeno, escolle unha estrutura de cama que teña espazo debaixo para gardares as túas cousas. Mellor aínda: combínaa cun caixón de cama/mesa de noite. Só terás que estendela cando chegue a hora de durmir e pregala á mañá!

Incluír almacenaxe tanto aberta como pechada é unha mestura excelente entre o práctico e o persoal. Neste dormitorio, o armario ofrece as dúas cousas: caixóns e caixas para a roupa interior, os calcetíns e a roupa de tempada, así como colgadoiros abertos e mais estantes para mostrar unha selección colorida e chea de raias das prendas favoritas.