Guía para cociñar con nenos na casa en Nadal
O Nadal chega e con el as vacacións dos cativos que, a pesar deste ano tan atípico, tiveron colexio os últimos meses. Por iso, agora que teñen bastante tempo libre e que haberán pasar gran parte del na casa, por que non dedicar un tempo á cociña? Contámosche como facelo de forma fácil, segura e moi divertida nesta guía para cociñar con nenos na casa.
Cociñar é unha actividade ideal para gozar en familia e aprender. De feito, é algo que se potenciou en moitos fogares por mor do confinamento. É unha forma de que os nenos nos axuden nas tarefas domésticas convertendo algo aparentemente aburrido, en algo divertido e motivador. Ademais, involucrar os pequenos nas tarefas do fogar é estupendo para fomentar a cooperación familiar, o sentido da responsabilidade e a igualdade de xénero.
Aos nenos encántalles cociñar porque lles permite saciar a súa enorme curiosidade explorando texturas, cheiros e sabores, pero sobre todo, porque é a escusa perfecta para compartiren un tempo divertido e de calidade cos maiores. Por iso, é fundamental que o fagan de forma segura, sempre coa supervisión dun adulto e co material axeitado para evitar calquera risco. Así que imos ver que é o que hai que ter en conta.
1. Preparación dos pequenos da casa antes de cociñar
Antes de empezar a cociñar, é importante repasar unha serie de pautas cos pequechos da casa para que o fagan de forma segura tanto para eles como para o resto da familia. Vamos aló!
- Cociñar sempre baixo a supervisión dun adulto: mencionámolo ao inicio do artigo, pero incidimos porque é importante que os peques teñan claro que non deben cociñar sen a axuda dos papás, as mamás ou algún outro familiar adulto que poida facerse cargo de calquera problema, chegado o caso.
- Indumentaria axeitada para cociñar: o ideal é utilizar un mandil que manteña a roupa libre de posibles manchas, algo moi habitual no caso dos cativos. A roupa que usedes baixo o mandil non debe ser moi folgada, xa que pode dificultar o cociñado e provocar accidentes. Tamén é recomendable usar gorro ou recoller o pelo nun moño ou coleta para evitar que poida caer sobre a comida.
- Hixiene antes, durante e despois do cociñado: xa o sabiamos, pero despois de todo o que pasou este ano, quedounos clarísimo que o lavado de mans é fundamental. Por iso, antes de cociñar, é importante indicar aos nenos que deben lavar ben as mans. Pero non só nese momento, senón tamén mentres cociñan e manipulan certos alimentos como ovos, carne ou eixe, que poden conter bacterias prexudiciais. Ademais do lavado de mans, tamén é esencial limpar moi ben a superficie na que imos cociñar con auga e xabón, mantela así durante todo o proceso para que ningún ingrediente se contamine e limpala de novo ao terminar.
2. Cociña con nenos de forma segura co material axeitado
Ademais dos puntos anteriores, para que a actividade sexa o máis segura posible e os nenos gocen ao máximo, cómpre ter o material axeitado para eles. É dicir, conseguir que a cociña se adapte á súa idade. Que é o que vas precisar?
Aínda que en gran parte isto dependerá do tipo de receita, hai elementos moi útiles, independentemente do que vaiades cociñar. Un deles é o tallo escaleira, como o que ves na foto, que lles permite chegar a toda a cociña de forma segura e estable. Grazas a el poden alcanzar o que precisen e estar á altura dos adultos para non perder ningún detalle do proceso de cociñado.
Ademais disto, hai moitos outros utensilios de cociña que poden ser moi útiles para cociñar cos teus fillos, como o noso kit de coitelo e pelador SMÅBIT. Este foi deseñado especialmente para que os pequechos o poidan utilizar de forma segura. No caso do coitelo, ten a punta redondeada para reducir o risco de feridas.
Dependendo da idade, tamén pode ser recomendable que utilicen recipientes de plástico para a elaboración das receitas. Así, se se produce algunha caída inesperada, evitaredes que rompa e que o chan se encha de cristais, co perigo que iso supón para os nenos.
3. Aposta por receitas sinxelas e divertidas
Por último, para que a experiencia sexa redonda, é importante elixir as receitas axeitadas. Neste sentido, a nosa recomendación é que, para empezar, optedes por receitas fáciles de preparar que non leven moitos pasos e que, realmente, lles apeteza facer.
Aos nenos encántalles a repostaría, especialmente as masas e todo aquilo que poidan manipular coas mans, así que preparardes unhas galletas ou un biscoito pode ser unha moi boa opción. Se apostas polas galletas, recomendámosche elixir uns cortapastas con formas divertidas como DRÖMMAR, que contén moldes de alce, raposo, oso, esquío, ourizo e caracol. Seguro que aos pequechos lles encanta! E se preferides facer un biscoito ou calquera outra elaboración deste tipo e non tedes molde ou outro utensilio, podes mercalo en IKEA.
E isto é todo! Xa o tedes todo preparado para cociñar? Seguro que os peques devecen por pasardes un marabilloso intre tanto na cociña como despois, degustando as delicias que preparedes. Velaquí deixámosche varias receitas para que non se vos esgoten as ideas!
Encántanos que os clientes utilicen os nosos produtos dunha forma creativa. Atrévete ti tamén! Pero debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
