Estantes e andeis para decorar e almacenar
Non perdas estas ideas de decoración, organización e almacenaxe para unha casa sinxela pero perfectamente en orde.
A simpleza e a orde van sempre da man, iso é indiscutible. A máis elementos, maior sensación de desorde e caos. Canto máis "sinxela" e estruturada sexa a nosa casa, máis probabilidades teremos de manter a maior orde posible. Por iso é tan importante que comecemos a considerar as cousas dunha forma distinta: reorganiza os teus espazos, os teus cuartos, os teus armarios e caixóns de novo dunha forma na que ordenar xamais che dea preguiza. Coas mellores opcións atopamos as mellores solucións!
Encastelar e almacenar con sinxelas caixas
Os pequenos cambios poden crear grandes resultados. Comeza por fixarte nos armarios e ver como podes darlle un novo sentido, unha nova orde e unha nova estrutura.
E non só nos referimos a armarios de roupa, tamén queremos que o extrapoles a armarios con produtos de cociña, armarios no baño... En calquera destas circunstancias, podes mellorar a orde a través de, por exemplo, as caixas SOCKERBIT.
Clasifica sempre cun criterio común para que cando busques un produto concreto poidas atopalo facilmente. Por exemplo: unha caixa para os cintos no caso do armario da roupa; unha caixa de produtos para lavar a roupa no caso da cociña ou cuarto da coada; ou outra caixa con produtos unicamente de hixiene corporal no caso do baño.
Se queres, podes engadirlles etiquetas con nome nunha zona que sempre estea visible para que sexa máis fácil identificalo.
Elixir caixas nunha cor e forma similares mantén a solución visualmente relaxante”
Hiromi
Darlle a cada persoa o seu propio espazo de almacenaxe no corredor axuda a manter un espazo pequeno ordenado. As mañás vólvense un pouco máis fáciles”
Hiromi
Estantes e andeis para decorar e almacenar
Tanto na cociña como noutras estancias da túa casa, asegúrate de que non desperdicias espazo en vertical se che é necesario. Como? A través de solucións como andeis, guías, ganchos e toda clase de estruturas que che faciliten un pouquiño a vida.
Por suposto, contar con todos estes elementos non quere dicir que os poidamos recargar ata arriba de cousas, amontoándoas ata o infinito. Deixa sempre un pouco de aire entre todos eles, de tal forma que o espazo continúe véndose ordenado en lugar de caótico. Pensa que por moi ordenados que teñas pratos e vasos (por exemplo) se son moitos nun espazo moi pequeno, a sensación de desorde estará garantida.
Tamén podes engadir algo de decoración, como neste caso as plantiñas, que che axuden a darlle algo de dinamismo ao espazo, salvagardándoo dunha imaxe de "pura almacenaxe".
Botes e tarros para a cociña
A sensación de orde increméntase se cambiamos os paquetes de pasta, arroz, legumes e demais alimentos por tarros homoxéneos que nos sirvan tamén de elementos decorativos que poidamos deixar á vista.
No caso dos botes herméticos, ademais permitirannos manter os alimentos máis frescos durante máis tempo, moito máis que se os mantivésemos nos seus envases de plástico pechados coa típica pinza.
Non cres que é unha forma ideal de decorar e ordenar a cociña á par que mantemos mellor os alimentos?
Colgadoiros para ordenar o teu fogar
Moitas veces temos ao alcance da nosa man algunhas solucións sinxelas que non se nos pasan pola cabeza. Hai moitas cousas que podemos colgar para evitar ocupar sitio en armarios e caixóns.
Pensa que, ademais, en gran parte das ocasións non é necesario tradear: bastará con colocar un colga fácil ou un sinxelo gancho que teña un dos seus extremos suxeitos noutra estrutura, como neste caso co estante.
Outros bos exemplos de cousas que podes colgar para liberar espazo en caixóns e armarios:
Manoplas e panos de cociña
Coitelos grandes
Enxoval de cociña como espátulas ou escumadeiras
No baño podes colocar uns cantos botes con fixación por ventosa como TISKEN (máis fácil, imposible) para colocar cepillos do pelo, de dentes, pequenos produtos...
Dálle uso ás túas paredes!
Organización das pequenas cousas
Se hai algo que é importante que organicemos con certa regularidade e dedicación son os pequenos complementos, xa que son os que máis facilmente se perden ou acaban "tirados" por calquera sitio.
As caixas con separadores SAXBORGA permítennos clasificar todas estas pequenas cousiñas para que atopen o lugar que lles corresponde.
Pareceuche interesante este artigo? Entón non podes perder: 7 ideas para organizar mellor a nosa casa con pequenos cambios.
Encántanos que os clientes utilicen os nosos produtos dunha forma creativa. Atrévete ti tamén! Pero debes ter en conta que as modificacións e cambios que introduzas nos produtos de IKEA impiden que se poidan volver vender ou utilizar para o seu uso orixinal, polo que invalidan as garantías comerciais de IKEA e o dereito a devolución.
