Dun espazo difícil a un roupeiro marabilloso

O primeiro paso para organizar calquera espazo é determinar claramente que se necesita e como se desexa que funcione o espazo. O espazo co que estamos a traballar é estreito, polo que escollemos ALGOT, xa que é unha solución flexible que se pode integrar directamente no armario. Deseguido, ten en conta as funcións e o deseño da almacenaxe. Faranche falta unha serie de guías, caixóns e estantes abertos para os diferentes tipos de roupa. Por último, crea un lugar que che resulte atractivo. Para nós, iso implica dar unha capa de pintura ao interior; engadir cortinas para dar privacidade e suavidade, e empregar alfombras que achegan estilo e confort.

Faino todo máis doado dedicando unha parede do teu armario a estantes abertos. Encontrarás a túa roupa dobrada moito máis rápido pola mañá e terás moito espazo para engadir caixas para cousas como a roupa interior. E ese espazo intermedio da parede? Coloca uns ganchos para colgar os teus gorros.

Ás zonas aparentemente inservibles, como esta franxa da parede que mira cara ao interior do armario, pódeselles dar uso. Cuns ganchos é o lugar ideal para colgar a roupa do día seguinte ou que se cadra non queiras volver gardar, pero que aínda non está lista para lavar.

Non se nos poden esquecer os toques finais; ningún armario está completo sen un lugar para decoralos. Así que converte unha das paredes en toucador, pon un espello de corpo enteiro con iluminación directa, estantes para maquillaxe e adornos, e unha zona para peitearse. Mesmo convertemos un soporte para tabletas nun estante para xoias, colocando un cable arredor e engadindo un anaco de feltro para os pendentes.