BILLY é moito máis que almacenaxe. Moito máis que un simple estante. É un símbolo que reina en salóns, comedores e dormitorios de todo o mundo, destinado a cometidos tan variados como as persoas que o elixen. A libraría BILLY cumpre 40 anos máis nova e actual que nunca. Por iso queremos celebrar esta data tan especial cunha liña de novas cores e accesorios. Percorre connosco distintas ideas de decoración de estantes coa libraría BILLY.
Ideas de decoración de estantes coa libraría BILLY: cores que o cambian todo!
O noso clásico estante é moito máis que iso: moito máis que un simple estante. É un moble incriblemente versátil que nos pode servir para mil e un cometidos máis aló de manter ordenados os nosos libros.
Neste caso e con motivo do seu 40 aniversario, queriamos ofrecerche unha cor transgresora e actual, só apta para as persoas máis rompedoras: un amarelo que che axudará a cambiar radicalmente o aspecto da zona da túa casa na que o coloques! Neste caso usamos o BILLY para colocar decoración con cores complementarias (é dicir, aquelas opostas na roda de cor) coa finalidade de crear contrastes realmente rechamantes e chocantes. Con 40 anos de historia pero máis radical ca nunca.
Ollo! Coida o espazo no que colocas o estante BILLY amarelo: procura que sexa o máis neutro posible.
BILLY como un moble camaleónico: aínda que o melloramos con regularidade, a fórmula orixinal detrás de BILLY é a que perdura hoxe en día. Por iso estamos tan orgullosos! Ao fin e ao cabo levamos 40 anos vendendo un moble que xamais pasou de moda.
BILLY vén con novos complementos como un andel de exhibición, portas, insercións e suxeitalibros que che permiten organizar e estilizar o estante como ti queiras.
Personaliza a túa librería BILLY con portas e outros complementos
É un estante vivo, dinámico, capaz de adaptarse a ti e ás túas necesidades. Pensa que podes ter un estante orixinal personalizado con diferentes complementos para BILLY, tales como portas (e crearás unha vitrina espectacular!), estantes de exposición, andeis adicionais... Todos temos necesidades e gustos distintos, por iso BILLY é ideal para todos: non haberá outro que se adapte tan ben a ti!
Por certo... sabes que esta BILLY cor bordeos tamén é unha novidade? Fascínanos!
Aquí tes unha proposta para decorares o teu estante BILLY:
IKEA Hack: como personalizar o estante BILLY - IKEA
Minimalista (ou non!). Versátil. Duradeira. Funcional. O deseño de BILLY vai máis aló das etiquetas. Un estante que non está feito para un cuarto en concreto porque en todos podería ter cabida para diferentes funcións. Non está deseñado para ser moderno hoxe: estao para ser actual sempre. Non pasa de moda e resísteo todo.
Este é o moble dos mil e un cometidos. Fas deporte na casa? Unha combinación de dous ou tres módulos de BILLY de 80x28x106 cm pode serche de gran axuda á hora de colocar todo o teu material deportivo ao alcance da túa man. Como tamén pode selo á hora de organizar os teus zapatos, libros, pratos, decoración... De todo!
BILLY: o estante que cumpre anos sen baixar do máis alto
Corría o ano 1978 cando Gillis Lundgren (o cuarto empregado de IKEA) creou a nosa marabillosa libraría BILLY. Chamouna así en honra a un amigo seu que lle reclamaba que deseñase un estante para libros que fose realmente útil e cun deseño bonito e funcional.
Por iso, o obxectivo de Gillis era crear unha libraría económica que se adaptase a cada tipo de persoa e a moitos espazos distintos. Anos despois, pode que os libros en papel diminuíran, pero BILLY segue sendo unha peza atemporal e completamente personalizable que xamais pasará de moda.
Recomendámosche:
Encántanos que os clientes utilicen os nosos produtos dunha forma creativa. Atrévete ti tamén! Pero debes ter en conta que as modificacións e cambios que introduzas nos produtos de IKEA impiden que se poidan volver vender ou utilizar para o seu uso orixinal, polo que invalidan as garantías comerciais de IKEA e o dereito a devolución.
