Crea un espazo no que poidas respirar
A gran cantidade de aspectos que poden afectar ao sono pode dar medo, como mínimo. Non te estreses pensando no que facer e no que non, e céntrate no esencial. O importante é que durmas nun lugar cómodo, nunha habitación na que a luz, o son, a temperatura e o aire sexan os adecuados. Con iso en mente, só se pode ir a mellor. Deixa que o aire e a natureza entren no teu dormitorio (ou non).
Un bo momento para purificar o aire
O aire limpo pode ser de moita axuda para aumentar a calidade do teu sono. Para conseguilo, podes empregar plantas que filtren o aire ou as cortinas GUNRID. Non son só bonitas e axudan a crear unha atmosfera acolledora, senón que tamén purifican o aire e melloran a temperatura do interior. Como? Grazas á súa superficie a base de minerais, que reacciona á luz natural e captura os contaminantes do aire. Trátase dunha forma renovada e sinxela de limpar o aire do teu fogar sen empregar aparellos electrónicos nin complexos sistemas de filtración.
Proba almofadas suaves
Se dormes de lado ou boca arriba, escolle unha almofada alta; se o fas boca abaixo, utiliza unha baixa. O importante é que a cabeza e o pescozo teñan o soporte adecuado. En calquera caso, a almofada LUNDTRAV achega a suavidade idónea. Están recheas de plumas e penuxes que, xunto co tecido de algodón, permiten que o aire circule e que a temperatura se manteña.
Acomódate cos téxtiles
Os téxtiles son a clave para que a comodidade do dormitorio sexa a adecuada. Ademais, ofrecen a posibilidade de decorar as veces que sexa necesario sen necesidade de coller unha soa brocha. Ao mesturar e combinar as cores, os deseños e as texturas, poderás crear o teu paraíso terreal e cambialo por completo cando queiras.
Un bo día para quedar na cama
Gústache ler na cama? Almorzarías tódolos días nela se puideses? Adoitas traballar sen erguerte dela? Se ese é o caso, a comodidade será moito maior ao apoiarte contra unha cabeceira tapizada e suave coa cantidade exacta de coxíns.
Pousa os pés nunha comodidade artesanal
A alfombra de la RESENSTAD, grosa e de tecido plano, dálle calidez a calquera espazo. Elabórana á man artesáns cualificados da India e Bangladés, polo que non hai dúas iguais.
