Ideas para aproveitar un balcón

Aproveita o espazo: xardín vertical no balcón

Nos balcóns pequenos, é fundamental ter presente que cada centímetro de espazo conta, tamén en vertical. É importante saber aproveitar o espazo das paredes:

• Coloca plantas para crear unha sensación de frondosidade e intimidade sen ter que ocupar espazo no chan.
• Utiliza estruturas como esta, que apenas ocupan espazo ao ancho, pero axudan a cubrir toda unha parede.
• Outra boa forma é usar testos colgantes que podes ancorar do teito se é posible, ou ben da varanda.
• Tamén podes pendurar na parede un enreixado de madeira tradicional no que deixes gabear ata arriba unha planta como a rubideira.
• Sempre podes apostar polos testos con soporte para penduralos da propia varanda do balcón e enchelos de plantas e flores sen ocupar espazo na parede e no chan.

Mobiliario pequeno e pregable

Continuamos cun dos puntos fundamentais en calquera balcón que mereza tal nome: o mobiliario de exterior para espazos pequenos.

Se temos poucos metros cadrados, é importante conseguir que sexan o máis versátiles posible. Como? Con mobiliario que ocupe o espazo xusto e que sexa lixeiro e pregable, como este conxunto de comedor para exterior.

Iso si, pregable non é sinónimo de "eslamiado" ou "de quita e pon". Engade coxíns de exterior e outros téxtiles que fagan máis cómodos os teus momentos ao aire libre, pendura unha mantiña do respaldo, coloca un parasol se tes espazo... Dálle personalidade!

Pequenos detalles: decoración para o balcón

Nun balcón non só é fundamental contar cun espazo no que descansar e relaxarse ou cun recuncho no que poñer plantas. A decoración, ao igual que acontece no interior da nosa casa, tamén é importante e exerce o seu papel. Pensa que: 

• As plantas con flores e os mobles e accesorios de cores rechamantes enchen de luz os espazos escuros.
• Optar por testos orixinais ou alternar diferentes materiais dará un toque especial ao teu balcón pequeno.
• Coas candeas ou as grilandas de luces decorarás o espazo e daraslle unha luz romántica e acolledora para as tardes e noites.
• Usa unha mantiña para abrigarte cando refresque e dar cor ou un toque acolledor ás cadeiras do balcón.
• Os coxíns para exterior son ideais para engadir comodidade e alegrar o teu balcón. Si, mesmo se só cabe unha cadeira! Terás que estar cómodo, non?
• Pensaches en colocar unha alfombra? Aquí atoparás moitísimos accesorios para exterior!
• Se aínda non coñeces as nosas lámpadas SOLVINDEN , que se cargan coa luz solar, este é o momento perfecto!

Cultivar herbas aromáticas na casa

Encántanos a xardinaría a pequena escala. Si, aínda que sexa nun balcón pequeno de cidade. Sempre hai distintos tipos de herbas aromáticas e outro tipo de cultivos sinxelos cos que traballar.
Estas son algunhas das plantas máis fáciles de cultivar na casa:

Romeu 

Esta é unha das plantas máis resistentes das "básicas" da nosa cociña. Dura todo o ano e non precisa ningún tipo de coidado especial.

Alfábega

Precisa moito sol e moita auga, pero mantela é sinxelo. Ademais, a salsa pesto é unha das mellores cousas que hai... Non podes dicir que non!

Lavanda 

É moi resistente e adáptase a calquera espazo que teña moita luz de sol. Pódela sementar nunha xardineira grande ou noutra máis pequena e despois transplantala. A diferenza das demais, esta non a utilizaremos para cociñar, senón para darlle un recendo MARABILLOSO aos nosos armarios e caixóns. 
 

Gustouche este artigo? Non perdas o resto de ideas e consellos que deixamos ao final para o coidado de plantas e aproveitamento de exteriores.

Se queres máis inspiración, bota unha ollada a este vídeo de Pregúntalle a Allen e descubre máis ideas para poñer a punto o teu espazo ao aire libre.