Como decorar un cuarto: descanso e almacenaxe
Saber como decorar un cuarto é unha mestura de saber aproveitar o espazo do que dispoñemos e de conseguir crear unha atmosfera de descanso. Para acadalo, mostrámosche todos os trucos e ideas precisos para decorar un cuarto. Son ideas universais para todo tipo de dormitorio, mesmo os infantís. Vexamos como decorar dormitorios.
Ideas para decorar o cuarto: o descanso ben aproveitado
Falaremos de camas, colchóns, roupa de cama e almofada, de como aproveitar o espazo que temos con armarios que podes crear á medida das túas necesidades ou da iluminación. Comecemos polo principio. A cama.
Elixir unha cama, punto número un na decoración de dormitorios
O centro da decoración de dormitorios sempre foi a cama, por iso, inspírate nas diferentes camas que temos e atopa o deseño que mellor vaia contigo. A personalidade única desta estrutura de cama é a verdadeira protagonista do cuarto, onde a cabeceira pode ser un separador de espazos, o lugar no que colgar as túas cousas ou unha cortina, ti elixes.
Aínda que se o teu é a practicidade, precisas un cuarto no que cada moble teña unha función de almacenaxe. É a clave para saber como decorar un cuarto no que queremos é optimizar o espazo. Podes optar por camas con caixóns, coma a da imaxe, ou por canapés abatibles.
Outra das opcións para aproveitares o espazo e decorar os teus dormitorios infantís son as camas altas combinadas cun escritorio e estante, como na imaxe. En só 2 metros cadrados, poderán estudar, durmir, gardar as súas cousas e telas organizadas.
Aínda que se só queres cambiar a decoración do dormitorio e non a cama, podes probar cunha das nosas cabeceiras. Elixir unha cabeceira é unha das ideas para decorar o cuarto que máis impacto visual teñen. É coma se estiveses noutro cuarto completamente distinto. Como é o caso da práctica cabeceira da imaxe.
Para rematar, elixe entre os diferentes colchóns que podes atopar, de máis a menos firmes, e de todo tipo de materiais. Estamos tan seguros da calidade dos nosos colchóns que tes 365 días para probalos.
E debaixo da cama e do colchón, que? Inspírate vendo estes trucos para manter o dormitorio recollido nun tris aproveitando o espazo de debaixo da cama.
Como decorar coa roupa de cama axeitada
Unha vez elixida a cama, é hora de vestila! Á hora de decorar un cuarto é imprescindible coñecer como combinar os téxtiles para xerar o confort e o descanso desexados no noso cuarto con roupa de cama e almofada ben cómodas. Se queres renovar totalmente o dormitorio e que pareza un espazo distinto, inviste en téxtiles. Diferentes cores e tonalidades en sabas, almofadas, coxíns e colchas daranlle volume e confort á túa cama.
Na decoración de dormitorios é moi útil xogar cos elementos decorativos dos que dispoñemos para harmonizar o espazo e a sensación de descanso. Xoga coas sabas e con elementos decorativos como un auténtico experto en como decorar un cuarto.
Optimiza ata o último centímetro cun armario modular
Os armarios PLATSA e os armarios PAX son a solución para aquelas persoas que non saben como decorar un cuarto cunha estrutura algo máis complicada. Ás veces é difícil dar cun armario á medida de determinados dormitorios. A solución é crear o teu propio armario modular con almacenaxe aberta para telo todo á vista.
Os armarios con portas corredizas sempre funcionan en dormitorios nos que queremos aproveitar o espazo ao máximo. Coa estrutura de armarios PAX para portas corredizas, é moi doado conseguilo.
E agora que xa o sabes todo sobre como decorar dormitorios, aprende como facer a cama perfecta nun tris.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
