Como decorar un corredor con ideas ben sinxelas
Sabemos que o corredor é un lugar de paso, que ademais ás veces é longo e estreito. Por iso, adoita ser o gran esquecido do fogar ao que, polo xeral, non lle dedicamos moito tempo en decorar. Iso vai rematar.
Imos contarche como decorar un corredor con, por exemplo, os estantes para cadros, as guías ou as múltiples posibilidades que ofrece a decoración en parede. Se o espazo cho permite, ata podes colocar algún moble para corredor onde almacenar as cousas que xa non sabes onde gardar. Comecemos!
Ideas sinxelas para decorar un corredor longo
1. Decorar un corredor para os amantes das plantas
Denantes, cómpre saber que as guías permitiranche decorar lugares que antes semellaban imposibles, pola falta de espazo ou porque eran un lugar de paso. Dito isto e vendo esta imaxe, onde ata as plantas teñen o seu oco nun corredor longo, xa vas vendo un pouco a que nos referimos.
2. Decoración de corredor para deportistas
Se o teu é o deporte, olla estas ideas para o teu corredor ser do máis persoal:
Se non sabes como decorar un corredor longo e estreito, podes facelo cos teus pesos e utensilios de deporte. Daranlle un toque especial ao teu aburrido corredor.
Mesmo se o teu corredor tiver unha escaleira, podes pensar en deseños como o desta fantástica casa, onde ademais dun colgadoiro, o oco da escaleira serve para colgar a bici.
Ou ese espazo que queda trala porta pode ser clave na decoración de corredores estreitos.
3. Decora o teu corredor con cadros
Outra idea estupenda sobre como decorar un corredor son os cadros. Os cadros para corredor son ese gran invento para decorar tanto corredores modernos como clásicos. E é que con apenas pendurar cadros a cousa xa che cambia moito. Por exemplo, estes cadros para corredor estratexicamente colocados son ben modernos.
Mais se o que nos gusta é máis o estilo clásico, podemos optar por unha combinación de cadros estratexicamente situados.
Se queres saber as claves para decorares as paredes do teu corredor con cadros, neste vídeo explicámoschas en detalle:
Vídeo: Decorar paredes con cadros nun chiscar de ollos
4. Como decorar un corredor con láminas e fotos
As láminas e as fotos danlle moita personalidade ao teu corredor, xunto cos mobles para corredor e mesmo esas marabillosas alfombras para corredor longo.
Pero centrémonos nas paredes do corredor, que tal se probas cos fermosos estantes para cadros. Son unha opción que queda moi ben tanto en cadros, láminas ou marcos de fotos. As láminas decorativas combinadas saben sacar o mellor das túas fotografías.
Vanche máis as fotos? Proba a penduralas sen contemplación, quedarán de medo.
Ou mesmo un cable con luces, será o mellor soporte para os teus prezados recordos. Proba cunha grilanda de luces para lograr este fantástico efecto:
