Como crear unha cama con dosel

Necesitarás
8 ferraxes de teito VIDGA
2 pezas de esquina con guía sinxela VIDGA
4 paquetes de argolas/ganchos VIDGA, 24 ud.
5 barras de cortina de 1 guía VIDGA
Ferramenta de corte VIDGA
4 cortinas VIVAN, 1 par
Fita métrica e lapis
Trade, desaparafusador, serra de arco, escaleira

Paso 1 Decide cal será a situación do dosel colocando as guías e as pezas das esquinas no chan arredor da cama. Deixa espazo para as cortinas entre a cama e as guías. Todas as guías teñen a mesma lonxitude, polo que seguramente che faga falta máis de unha para cubrires os lados da cama.

Paso 2 Corta as guías coa caixa de corte VIDGA e unha serra de arco Desliza os conectores nas guías. Volve colocar todas as guías e as pezas no chan arredor da cama para comprobar que todo está correcto e medir onde debes tradear. É conveniente medir dende as paredes, no canto de facelo dende a cama.

Paso 3 Marca os puntos onde vas tradear no teito, fai os orificios para as ferraxes e móntaas. Asegúrate de empregar os parafusos e suxeicións axeitados para o teito. Coloca a peza de montaxe na ferraxe e insire a guía ata que se oia un clic. Repite o paso 3 con todas as guías, pero non coloques aínda as pezas das esquinas.

Paso 4 Coloca os ganchos nas cortinas e cólgaos das argolas. As argolas e ganchos están deseñados para cortinas con fita, mais tamén é posible engadir fita ás cortinas que non a teñan. Un paquete de 24 argolas é suficiente para dúas cortinas. Desliza as argolas polas guías (podes facelo ao colocar cada guía ou cando xa estean todas colocadas).

Paso 5 Unha vez colocadas todas as argolas, sitúa cada peza de esquina nas guías e fíxaas ata que se oia un clic. Se a cama estiver situada xunto á parede, só farán falta dúas pezas de esquina. Se as guías non están pegadas á parede, utiliza topes.

Consellos útiles Recoméndase usar o noso manual xunto coas instrucións de montaxe e o vídeo de instalación de VIDGA. Se mercares un xogo, pensa en todo o que inclúe. É posíbel que che fagan falta máis guías ou ferraxes. Os conectores non se venden por separado.