Cinco camas inspiradas en posturas ao durmir
Cadaquén ten as súas posturas favoritas (e necesidades) para durmir. Seleccionamos algúns estilos comúns e inspirámonos neles para deseñar cadanseu dormitorio.
En posición fetal
Acolledoras capas de suavidade
A persoa que dorme en posición fetal procura sentirse segura e protexida. Un dosel feito de cortinas, combinado con téxtiles grosos na cama e no chan, proporciónalle a comodidade e intimidade axeitadas.
O robot
Espertar co día ben planificado
O robot caracterízase pola sensación de preparación. O estilo do cuarto reflicte unha personalidade que favorece a simetría e o rigor, onde empezar o día de forma rápida e eficiente é algo case automático.
O tronco
Persoa que busca a comodidade e ten un lado práctico
Ao durmir de costado, o tronco non precisa moito espazo. Un sofá cama é unha boa opción, sobre todo cun respaldo brando no que se acubillar. Non hai por que renunciar á comodidade polo espazo. Se se lles presta a debida atención aos edredóns e os téxtiles, a sensación que se crea no dormitorio é moi acolledora.
A estrela de mar
Estomballado na cama
Cun patrón de movemento libre e despreocupado, a estrela de mar precisa moito espazo. Unha cama xenerosa é indispensable e un ambiente despexado axuda. Dobre edredón e máxima exposición á luz, e terá as súas necesidades completamente cubertas.
Cunha aperta á almofada
Comodidade á que te podes aferrar
Como indica o seu nome, á persoa que dorme dándolle unha aperta a almofada gústalle durmir cómoda e aloumiñada. Esta forma de deitarse sobre a barriga esixe unha chea de almofadas, coxíns e mantas para conseguir a superficie correcta para durmir. Noutras palabras: amorea téxtiles pastel uns sobre outros.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Marie Haward
Fotografía: Fredrik Sweger
Ilustración: Maja Krajina
Texto: Henrik Annemark
