Catro grilandas luminosas moi brillantes
Arranxos con grilandas luminosas, brillantes e escintilantes. Son doados de crear, duran toda a tempada e teñen unha taxa de éxito moi alta difundindo alegría. Oficialmente tes a nosa bendición para tolear con elas.
1. As delicadas grilandas luminosas con baterías achegan un novo brillo ás elegantes cúpulas de cristal. Só tes que colocalas dentro para conseguir un efecto cósmico e etéreo.
2. Canso das árbores de Nadal tradicionais? Elixe o abstracto e crea unha nova corrente con luces. Só coloca os cravos, colga as luces e listo. Por certo, isto funciona de marabilla para calquera tipo de deseño que queiras.
3. Trae o ceo nocturno á túa casa. Empeza enchendo un lenzo de tea en branco con pegamento e esparexe tanta purpurina como desexes. Deseguido, coloca e suxeita a grilanda luminosa á parte posterior do marco do lenzo. E goza mirando as estrelas!
4. Dálle un toque doce á túa grilanda luminosa decorándoa con diferentes tipos de fitas e adornos. Encántanos a sensación que dá sobre unha cama en vez dun cabeceiro.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Anna Cardell
Fotografía: Henrik Petersson
Texto: Vanessa Algotsson
Deseño de interiores: Anna Cardell
Fotografía: Henrik Petersson
Texto: Vanessa Algotsson
