As chaves dunha decoración mariñeira
Cando chega o sol e o bo tempo é o momento idóneo de vestir a túa casa coa decoración mariñeira máis auténtica. Os tons azuis e brancos son os máis utilizados para a decoración náutica, tan típica para decorar a casa da praia, pero tamén, para unha simple decoración estival, esteas onde estiveres.
A decoración mariñeira é a que encherá o teu fogar de frescura e luminosidade. Así que anímate e cambia o look da túa casa. Cuns cantos cambios e detalles coidadosamente escollidos, terás unha auténtica decoración mariñeira. Veña, todos a estribor!
5 ideas para a túa decoración mariñeira
1-As cores: tons azuis e brancos
Son as cores máis mariñeiras que hai. O azul do mar e o branco da luz solar. Case todos os tons azuis poden considerarse cores mariñeiras. Na decoración náutica, polo xeral o branco adícase aos teitos e as paredes, e mesmo aos chans. O azul está reservado para os complementos e o mobiliario estratexicamente colocado.
Se non quixeres facer grandes cambios na decoración para o verán ou na decoración da túa casa da praia, proba con detalles sinxelos. Por exemplo, un floreiro azul daralle a esencia mariñeira que buscas.
2-As raias non poden faltar!
Cando pensas no clásico mariñeiro dos contos, as raias sempre son o estampado da súa camisola, verdade? Pois as raias mariñeiras poden vestir practicamente todos os téxtiles que poidas imaxinar. Daranlle o toque que unha decoración mariñeira precisa.
Os materiais destes téxtiles adoitan ser o algodón ou outros, mais sempre naturais.
3-Mobles mariñeiros
Cando pensamos na decoración aplicando este estilo, véñennos á mente as persoas que tecen as redes de pesca, á man e con materiais naturais. Por iso, a decoración mariñeira precisa mobles feitos á man, de ratán ou bambú, ou calquera material natural.
Se quixeres dotar os teus mobles da máis auténtica decoración náutica, opta por tons azuis nos sofás e por mobles con tons naturais.
4-Mesa con sabor a mar
O lugar onde reunirse todos a comer ou cear tamén pode ser o mellor lugar para implantar a decoración mariñeira en calquera época do ano. Proba cunha xarra de auga azul ou con pratos de inspiración mariñeira.
5-Cuartos e estancias mariñeiras
A decoración náutica pode aplicarse tanto nos téxtiles do teu cuarto, como nunha funda nórdica ou nunhas cortinas. E é un estilo apto para todas as idades! Aos nenos ben seguro que lles gustarán as fundas nórdicas de estilo mariño, axudaralles a soñar con barcos, mariñeiros e mil e unha aventuras do mar.
E que dicir da decoración mariñeira nos baños? Unha toalla náutica é capaz de darlle o toque que precisas para facelo mariñeiro e acolledor a mares. Podes probar con diferentes tonalidades de azul e verde, mesmo alternalas co branco e a madeira.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
