Aproveita ao máximo o espazo con almacenaxe intelixente
Múdaste a unha casa máis pequena ou vives nun pequeno estudo? Usa as túas paredes! Inspírate coas mellores ideas da decoradora de IKEA Nina Parkeborn sobre como sacar o máximo partido a unha casa de tan só 16 metros cadrados.
Aproveita ao máximo o espazo
«Imaxinei un mozo que traballa de ilustrador de manga e que vive neste estudo. Quería que tivese unha casa funcional na que se utiliza cada centímetro. Para iso, imaxinei o piso como un xogo de Tetris, no que cada espazo se pode encher. Utilicei un sistema de almacenaxe adaptable para crear unha solución personalizada para esta casa. Usa os andeis inferiores para gardar as cousas que utilizas con máis frecuencia e os edredóns e roupa de tempada máis arriba».
Simplifica a cociña en pequenos espazos
Esta minicociña ten todo o que necesita o rapaz que vive aquí para preparar comidas sinxelas, fregar e gardar a comida conxelada. Simplemente engadín a placa de indución portátil e o frigorífico. Colguei un taboleiro con varios ganchos e colectores e algúns andeis na parede xunto á cociña para que teña espazo para gardar todos os básicos de cociña».
Usa os espazos ocultos
«Non esquezas usar todo o espazo, un lugar que adoita pasar desapercibido é o espazo debaixo da mesa. Puxen aí dous mobles con caixóns sobre rodas de forma que se poida gardar de todo, dende o servizo de mesa e vasos, ata panos de mesa, herbas e especias, e caixas de almacenaxe de plástico. Cando se poña a cociñar, simplemente pode sacar unha ou as dúas para acceder a todo doadamente».
Cando o espazo é reducido, utiliza cada centímetro dispoñible ata o teito».”
Nina Parkeborn, decoradora de IKEA
De arriba abaixo
«Cando o espazo é reducido, utiliza cada centímetro dispoñible ata o teito. Unha cama alta minimalista é unha forma intelixente para o rapaz que vivía aquí e que gañou un par de metros adicionais de chan, e mesmo tiña espazo para poñer un sofá debaixo».
Prepárate nun segundo
«Imaxineime que ao mozo que vive aquí lle gusta prepararse e saír da casa o máis rápido posible. Talvez almorce máis tarde na oficina e simplemente pida un café de camiño. Polo tanto, quería que tivese un lugar preto da porta onde poida gardar as súas chaves e a carteira, e peitearse no espello en vez de ter que volver ao baño».
Todas as fotos extraéronse do Catálogo IKEA 2019.
