As mellores alfombras de IKEA para vestir a túa casa por menos de 60 €

1. Unha alfombra grande coa que decorar e aforrar diñeiro

Como xa adiantamos, as alfombras non só serven para decorar a casa e poñela bonita, senón que ademais son un gran xeito de illala do frío exterior e manter a temperatura ideal dentro da casa. Ao manter a estancia máis quente, conseguimos directamente reducir o consumo de enerxía e, por tanto, aforramos en calefacción. Non che parece marabilloso? E todo iso á vez que decoramos!

Axustándonos a un orzamento máximo de 60 €, empezamos cunha das nosas opcións máis económicas, TIPHEDE, unha alfombra grande (120x180 cm) fabricada con algodón reciclado. E é que todas as nosas alfombras están confeccionadas dun xeito moito máis responsable co ambiente. De feito, todo o algodón dos nosos produtos procede de fontes sostibles, é dicir, que se recicla ou cultiva con menor consumo de auga, pesticidas e fertilizantes. 

TIPHEDE é perfecta para todo tipo de chans, mesmo se teñen calefacción radiante, pero o que máis nos gusta é que é moi sinxela de manter. Gústache este primeiro exemplo? Pois sigue connosco, que temos aínda máis… 

2. Alfombras económicas, sostibles e cun propósito social

Máis aló das vantaxes que comentamos, queremos falarche do propósito social das nosas alfombras artesanais. E é que teñen un engadido moi importante, xa que traballan por acadar unha mellora nas condicións de vida das persoas que as elaboran. Explicámoscho.

Desde 2010 emprendemos a iniciativa de regular e mellorar as condicións laborais dos tecedores de alfombras da India e Bangladesh. Deste xeito, asegurámoslles un traballo xusto e máis seguro, á vez que seguimos obtendo un produto artesanal e de calidade. 

Seguindo este propósito, e dentro desta listaxe de mellores alfombras IKEA por menos de 60 €, queremos falarche de MELHOLT, unha alfombra económica, sostible e artesanal.

Está elaborada con la escura e xute, e ao ser unha alfombra feita á man e ter variacións naturais de cor polo material, o debuxo final de cada alfombra é único e especial. Nunca haberá dúas alfombras iguais! Se ademais estás a buscar unha alfombra resistente e duradeira, MELHOLT é perfecta para ti. E é reciclable! 

3. Alfombras quentiñas e suaves para máis confort

Se estás a buscar unha alfombra desas nas que estarías horas e horas paseando os pés tan só polo tacto tan agradable que teñen, encantarache a nosa seguinte candidata.

STENLILLE é unha alfombra de pelo curto que che proporciona unha textura suave, branda e cómoda para os pés. Ao ser máis densa que as que che ensinamos máis arriba, ofrece outras vantaxes como, por exemplo, un mellor amortecemento do ruído. Neste caso, a alfombra está feita de fibras sintéticas (polipropileno, un plástico potencialmente reciclable), polo que apenas se mancha e é resistente e sinxela de manter.

Os plásticos de fácil reciclaxe, como PET, PE e PP, son algúns dos máis utilizados nos produtos de IKEA e esforzámonos para que todos eles cumpran estritamente coa normativa legal e a seguridade. Actualmente, un terzo do plástico dos nosos artigos provén xa de fontes renovables ou reciclables. Con todo, de cara ao 2030, queremos ir máis aló e, polo que a nosa meta é que absolutamente todos os plásticos utilizados nos nosos produtos cumpran este requisito, de xeito que xeremos un impacto positivo nas persoas e o planeta. Que che parece?   

4. Alfombras redondas para espazos máis pequenos

Buscas unha alfombra pequena, pero cun toque orixinal e diferente á tradicional alfombra rectangular? As alfombras redondas son perfectas para vestir a casa con téxtiles sen ter que ocupar unha gran superficie. Mira!

Neste exemplo, mostrámosche STOENSE, unha opción estupenda de pelo curto que se adapta a calquera espazo, desde debaixo da mesiña de centro da sala de estar ata os pés da nosa cama. O seu lixeiro brillo fai que se cren variacións de cor, o que dá unha textura acolledora e cálida.  

Se queres algo un chisquiño máis pequeno, este deseño vaiche encantar. RISGÅRDE é unha opción supereconómica e práctica. Ao tratarse dunha alfombra pequena pódese aspirar facilmente (mesmo meter na lavadora) e colocar en practicamente calquera lugar da casa (sempre que non haxa humidade, claro).

Ademais, esta alfombra é moi especial. Sabes por que? Está feita con poliéster proveniente de botellas de plástico recicladas, o que nos permitiu reducir o consumo de novas materias primas e diminuír o impacto ambiental. E todo isto, garantindo a mesma calidade e seguridade que calquera outra alfombra. Perfecto! 

5. Alfombras alongadas para corredores e zonas estreitas

Hai zonas na casa que poden ser especialmente complexas para decorar ou vestir, como os corredores ou o recibidor. Pero vas ver que todo ten remedio! Por iso, nesta lista de mellores alfombras económicas non podían faltar unhas recomendacións para poñer fin a ese dilema dunha vez por todas.

Empezamos por unha solución moi colorida e accesible. RAKLEV é unha alfombra multicolor feita á man con xute, un material que nos vén xenial se queremos que a nosa alfombra o soporte todo, especialmente unha zona tan concorrida como un corredor. E cos seus fíos de la, conseguimos unha alfombra moderna, totalmente orixinal e viva.  

Se prefires algo menos "rechamante", temos outras opcións, como esta coa que terminamos a listaxe. LOHALS é a nosa alfombra natural de cores neutras que lle dará un pouco de calma e acougo ao espazo. Tamén está elaborada con xute, así que será moi duradeira.

Como verás, na fotografía pódese apreciar que hai algo xusto embaixo da alfombra. É un dos nosos protectores antiescorregantes para alfombras(STOPP). E é que, se pomos unha alfombra na casa, o mellor é fixala ao chan para evitar que se mova e corramos o risco de escorregar. Por iso, merques a alfombra que mercares, non esquezas asegurala. Ademais, así será máis fácil de aspirar.