Adaptación: Estante IVAR
Tes que gardar moitas cousas e non dispós de moito espazo? Este estante IVAR graduouse da nosa pequena idea para espazos reducidos. Gústanos porque se pode apartar cando non se necesita e volver poñer cando si. Aquí mostrámosche como facelo.
NECESITAS:
1 sistema de dúas seccións/andeis IVAR
6 rodas RILL (50 mm)
6 pomos NORRBYN
2 tiradores FÅGLAVIK
3 taboleiros de madeira de 500/40 mm (o piñeiro queda moi ben con IVAR)
12 parafusos para madeira de 50 mm
24 parafusos para madeira de 20 mm (poden ser máis longos)
1 trade eléctrico
Un pouco de pintura branca, unha brocha e fita de papel
En primeiro lugar, monta os laterais do estante IVAR (de momento non montes nada máis). A continuación fixa os tres taboleiros de madeira á parte inferior de cada lateral (2 parafusos de 50 mm en cada pata). Despois pon as rodas nos extremos (4 parafusos de 20 mm en cada unha).
Agora xa podes montar o resto do estante seguindo as instrucións de montaxe.
A continuación, coloca os seis pomos NORRBYN. Nós pintamos tamén os pomos de branco (e utilizamos fita de papel para que as liñas de pintura vaian rectas).
O NOSO CONSELLO
Antes de unir as pezas de madeira con parafusos é conveniente que fagas un burato co trade. O burato debe ser un pouco máis pequeno que o parafuso que queiras poñer.
Os tiradores FÅGLAVIK quedan moi bonitos e van moi ben para deslizar o estante. Terás que facer dous buratos de 5 mm en cada lateral e unilos cun parafuso para metais de 4 mm x 50 mm.
En xeral, recoméndase fixar todos os estantes á parede para que non envorquen. Como neste caso queriamos que se puidese apartar, puxémoslle un gancho EKORRE cun cable metálico que se pode enganchar (e desenganchar) dos andeis superiores.
Xa está! Para rematar, engade uns cantos ganchos para poder colgar cousas neste fantástico estante. Sorte coa adaptación!
Autores
Deseño de interiores: Therese Ericsson
Deseño dixital: Cecilia Englund
Redacción creativa: James Rynd
Fotografía: Sandra Werud
Edición: Linda Harkell
