A parte superior dos armarios de cociña: como aproveitar ese estraño espazo
Parece que todas as cociñas teñen espazos raros, como ese que hai entre os armarios e o teito. Non o desperdicies. Aprovéitao. Bótalle unha ollada ás nosas ideas de decoración e organización para converter ese espazo raro nun espazo impresionante.
1. A reixa de herbas permíteche secar as túas herbas frescas atadas directamente nunha guía ou en ganchos para facilitar o acceso. Para obter máis axuda cos espazos raros da cociña, mira as nosas ideas para aproveitar o espazo entre os armarios e os nosos consellos para dar uso aos laterais dos armarios..
2. Usa unha caixa para liberar espazo nos caixóns e colocar os teus utensilios no alto do armario. Usa caixas abertas para gardar cachifallada. Engade etiquetas para identificar doadamente a caixa correcta antes de baixala.
3. O espazo morto deixa sitio para floreiros de vidro de tamaño estraño, candeeiros e outras cousas que non caben nos armarios. Reúneos nunha colección, así os verás e usarás máis a miúdo.
4. A galería de arte mostra as túas fotos e imaxes favoritas. Aposta por grandes impresións que sexan doadas de apreciar a distancia, pero fai que sexan máis interesantes con diferentes tamaños e pezas sen enmarcar.
5. A biblioteca de receitas despexará o teu mesado. Deixa que as carpetas de revistas sosteñan coidadosamente as páxinas soltas ou as revistas fráxiles. Garda as receitas escritas á man en caixas con tapas para facer pequenos arquivadores.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Britta Henley
Fotografía: Tjitske van Leeuwen-Huisman
Texto: Marissa Frayer
Deseño de interiores: Britta Henley
Fotografía: Tjitske van Leeuwen-Huisman
Texto: Marissa Frayer
