6 formas de expresarte

1. Reúne unha elegante colección de cerámica. Garda a túa colección de cerámica ou porcelana nunha vitrina para protexela e exhibila ao mesmo tempo. Combina matices de distintos tons para conseguir un aspecto uniforme (aquí mesmo pintamos a parede cun ton de terracota cálido: NCS S 4030-Y70R. Ten en conta que as cores poden variar na pantalla).

2. Monta unha colaxe de reloxos. Tanto se che encanta coleccionar reloxos de parede coma se tes que mirar a hora cada pouco tempo, que che parece usar unha parede para os teus reloxos? Colga unha combinación de reloxos de distintos estilos e tamaños ao longo dunha liña recta fixa para crear un marco extravagante.

3. Crea a túa propia zona de descanso e para escoitar música. Usa un par de armarios para configurar un espazo para a música. Asegúrate de fixalos á parede antes. Ponte os teus auriculares e reláxate sobre un cómodo colchón. Apetéceche bailar? Apaga a luz, acende a lámpada de pé e sobe o volume.

4. Exhibe os teus recordos deportivos. Crea unha exposición personalizada cun estante (fíxaa ben á parede antes) e compartimentos. Crea un divertido deseño con fita adhesiva para destacar os teus recordos. Coloca o teu autógrafo favorito nun panel iluminado con LED para que brille aínda máis.

5. Exhibe os recordos das túas viaxes. Non sempre son necesarios mobles especiais para expoñer os teus obxectos. Coloca as guías de viaxe nunha cadeira e os recordos das túas aventuras en caixas con tapas amoreables sobre o chan. A túa colección irá medrando de forma natural con cada nova viaxe.

6. Aproveita de verdade o armario. Elixe un armario resistente que resulte atractivo E que sirva para gardar a túa roupa. Unhas portas de cristal deixan ver a roupa ao tempo que a protexen do po. Monta unha torre de caixas bonitas e garda os teus accesorios nelas.