5 maneiras de conseguir un salón minimalista

1. Limita as opcións Escolle unha cor básica e 2 ou 3 tons que fagan xogo. Cínguete a eles á hora de elixir os mobles, a pintura e a decoración. Fai o mesmo cos materiais e as formas. Elixe uns cantos e cínguete a eles para que nada resalte sobre o demais. As cores cálidas e os materiais delicados tamén suavizan moito os espazos.

2. Á vista ou escondido? Revisa todo o que tes na estancia. Tes cousas que non queres que se vexan? Gárdaas en solucións de almacenaxe pechadas. Despois colle os obxectos que che gusten e que sexan das cores, os materiais e as formas que elixiras. Ponos en lugares que se vexan.

3. Usa un almacenamento adaptable Mantén as cousas que precisas para realizar actividades no salón gardadas preto para o tempo que as necesitas e ocultas para cando non. Seguro que tes libros, la, portátiles, cueiros, etc. Nós puxemos o material artístico nun cubo aberto que se pode xirar para que non se vexa nada cando non o utilizamos.

4. Agrupa ou opta por pezas soltas Crea centros de atención coas cousas que xa teñas (poden ser adornos pequenos ou mobles). Agrupando as cousas conseguimos que os espazos se vexan máis recollidos e harmoniosos. Tamén podes poñer pezas soltas. Podes poñer unha obra de arte ou unha tea nunha parede, por exemplo. As pezas soltas fan que os espazos teñan un aspecto máis equilibrado.

5. Camuflaxe e almacenamento Os estantes abertos permiten telo todo recollido para non romper a harmonía dos espazos. Amorea os libros por tamaño e cor ou fórraos con papel de cores similares. Utiliza tamén caixas que fagan xogo para gardar os obxectos pequenos e todo aquilo que consideres que provoca desorde.