3 maneiras de organizarte cando as túas visitas quedan a pasar a noite
Nunca se sabe cando vas ter visita, sobre todo en Nadal. É mellor estar sempre preparado cunha solución que non ocupe moito espazo e permita dispoñer dunha cama adicional nun abrir e pechar de ollos.
1. Como gardar varias camas xuntas? Abonda con amorear varios colchóns na mesma cama. Cúbreos con teas diferentes para que queden ben e utilízaos cando teñas convidados. E como é importante respectar a privacidade, emprega un soporte de estantes para colgar un dosel.
2. Paisaxe urbana ou lugar de descanso? En realidade, ambos. Crea a silueta dun horizonte urbano con fita adhesiva negra e suxeita o colchón á parede cun gancho. O estampado da tea permíteche poñer o teu toque persoal.
3. Os colchóns de escuma dóbranse con facilidade e pódense gardar dentro unha sinxela funda caseira xunto a un diván. Cando teñas convidados, estende o colchón, arrima o diván á parede e emprega a funda a xeito de biombo para respectar a privacidade.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Diseño de interiores: Geneviève Jorn
fotógrafa: Micke Persson
