Termos e Condicións perfil na web

Estas condicións rexen as Condicións xerais de Uso do perfil da web de IKEA www.IKEA.es da empresa IKEA IBÉRICA S.A. con domicilio en Avda. Matapiñonera 9, 28703 San Sebastián de los Reyes, Madrid, e CIF A28812618.

O uso polo cliente do perfil na web atópase suxeito ás presentes Condicións xerais, polo que aceptalas no momento da aceptación do perfil implica a súa expresa adhesión e aceptación.

Quen pode crear un perfil na web de IKEA? Todas aquelas persoas físicas maiores de 18 anos e residentes en España (excluídas as Illas Baleares e Canarias).

A creación dun perfil na web permíteche mercar en liña, reservar unha cita para deseñar unha cociña, autorizar o envío de comunicacións comerciais, crear múltiples listas da compra, gardar e sincronizar a lista da compra entre dispositivos, gardar a información dos planificadores de IKEA, e gardar e confeccionar a lista da compra, mercar unha tarxeta regalo e reservar un artigo a través do Circular Hub, así como facer cambios directamente no teu perfil. É preciso facilitar un enderezo de correo electrónico activo e un número de teléfono para que IKEA poida comunicarse facilmente co cliente.

Mediante a identificación cun usuario e un contrasinal, IKEA poderá realizar un seguimento das túas interaccións coa web e enviarche correos electrónicos:

Para enviarche as planificacións ou listas da compra gardadas na conta.

Para lembrarche os artigos seleccionados no carro da compra e que finalmente non se mercaron.

Para informarte sobre os produtos da web polos que amosaches interese, así como se amosas interese nun produto da web pero finalmente non o mercas.

Para lembrarche que podes mercar os nosos produtos e servizos se advertimos que levas un tempo sen comprar en IKEA.

Poderás modificar estes datos sempre que o consideres necesario na túa área de cliente accedendo mediante usuario e contrasinal. En caso contrario, IKEA dará por válidos os datos que tiveses facilitado en orixe.

Será responsabilidade do cliente comunicar a IKEA calquera modificación dos datos persoais fornecidos para a creación do perfil. A responsabilidade do uso e a custodia das claves de usuario e o contrasinal corresponden exclusivamente ao seu titular desde a creación do perfil. IKEA non se responsabiliza das incidencias xurdidas do uso indebido do perfil de IKEA.

Poderás dar de baixa o perfil directamente a través da túa conta. Tamén podes solicitar a baixa a través de Atención ao Cliente no 900 400 922.

Comunicacións comerciais: O titular do perfil poderá prestar o seu consentimento expreso para tratar os seus datos persoais con fins publicitarios ou promocionais mediante a canle que teña solicitado. É posible solicitar a exclusión deste servizo de forma sinxela y gratuíta a través da ligazón que IKEA facilita para poder cancelar o seu rexistro en cada unha das comunicacións que remite. Tamén se poden cambiar as preferencias para a recepción de publicidade ou darse de baixa directamente a través do mesmo perfil.

Co fin de responder ao principio de calidade dos datos esixido pola lexislación en materia de protección de datos persoais vixente, IKEA resérvase a facultade de cancelar o perfil e procederá á eliminación dos seus datos persoais no caso en que no se teña feito uso do perfil durante un período considerable. O perfil na web manterase durante 24 meses desde a súa creación. Se non o usas activamente, eliminaremos a conta transcorrido ese período. En calquera caso, antes de levar a cabo algunha destas accións, enviaremos unha comunicación para informarte.

É aconsellable revisar as condicións xerais regularmente, xa que pode ser que IKEA as modifique para adecualas a cambios na normativa ou nos nosos servizos.