Termos e condicións da aplicación
CONDICIÓNS DE USO DA APLICACIÓN
En cumprimento do deber de información que establece a Lei La 34/2002, do 11 de xullo, de Servizos da Sociedade da Información e do Comercio Electrónico, comunicámosche que a aplicación está xestionada polas seguintes sociedades mercantís:
IKEA IBÉRICA S.A.U.
Avda. Matapiñonera, 9. CP: 28703. San Sebastián de los Reyes, Madrid. Datos rexistrais: C.I.F. A28812618. Rexistro Mercantil de Madrid. Tomo: 1251, Folio: 102, Folla: 23 549.
Teléfono: 900 400 922 (de 8:00 h a 22:00 h de luns a sábado, e de 9:00 h a 20:00 h os domingos e festivos).
O acceso á aplicación é libre e gratuíto e non require subscrición previa. A utilización desta aplicación está suxeita á Política de Privacidade, as Condicións de Uso e, no seu caso, as Condicións legais relativas á funcionalidade (Alta no Club de Fidelidade IKEA Family e Condicións de Compra), que o usuario coñece e acepta de xeito íntegro e sen ningún tipo de reserva polo feito de navegar pola aplicación, ser socio do Club IKEA Family, empregar os servizos ofertados nel ou adquirir os produtos dispoñibles a través dese medio.
As presentes Condicións describen os termos relacionados cos servizos e contidos ofrecidos a través da aplicación IKEA e do sitio web www.ikea.es, así como a totalidade dos seus contidos (en adiante, "o Portal" ou "a aplicación") dos que sexa titular IKEA IBÉRICA S.A.U. (en diante, "As Sociedades"). Esta sociedade mercantil ofrece os seus servizos exclusivamente en territorio español, con excepción dos territorios das Comunidades Autónomas de Canarias e Baleares e as cidades autónomas de Ceuta e Melilla. Debido ao anterior, a Sociedade non garante un uso satisfactorio da aplicación aos usuarios fóra do ámbito territorial mencionado no presente parágrafo e declina expresamente calquera responsabilidade derivada deste extremo.
A utilización da aplicación pola túa parte supón a aceptación sen reservas da totalidade das presentes Condicións de Uso, así como de calquera outra que estea vinculada a estas e relacionada co seu contido. Se non estás de acordo con estas condicións, debes absterte de utilizar esta aplicación. O uso da Aplicación require, ademais, que sexas maior de idade, así como que dispoñas da capacidade xurídica suficiente segundo a lexislación vixente aplicable para quedar vinculado polas presentes Condicións de Uso. A Sociedade, polo tanto, non se fai responsable do incumprimento do disposto no presente parágrafo nin de calquera consecuencia que puidese devir del.
A visita ou utilización da aplicación por parte dos usuarios deberá facerse en todo momento de forma responsable e axustada á legalidade vixente e as regras da boa fe, e respectando en todo caso os dereitos de propiedade intelectual e industrial titularidade das Sociedades, calquera outra sociedade mercantil do Grupo IKEA ou calquera outras terceiras persoas, físicas ou xurídicas.
Queda expresamente prohibida a utilización, por calquera medio directo ou indirecto, dos contidos da aplicación con fins que sexan ou puidesen ser ilícitos ou ofensivos, así como a realización de calquera acción que cause ou poida causar dano de calquera tipo ou alteracións non consentidas polas Sociedades, a aplicación ou calquera dos seus contidos.
Sen prexuízo do carácter vinculante xeral das presentes Condicións de Uso, existe a posibilidade de que certos servizos ou utilidades ofrecidos no Portal teñan unhas condicións especiais que complementen, substitúan ou deixen sen efecto algunhas ou todas as presentes Condicións de Uso, que requirirán o teu consentimento expreso e que, en todo caso, poderán consultarse antes de que se emita, consonte a normativa.
PROPIEDADE INTELECTUAL E INDUSTRIAL
Todos os dereitos de propiedade intelectual e industrial sobre o contido da aplicación (só con carácter enunciativo e non limitativo, mencionamos os seus textos, as súas imaxes, os seus logotipos, os seus signos, os seus sons, as súas animacións, os seus vídeos, o seu código fonte, o seu deseño, a súa estrutura de navegación, as súas bases de datos, etcétera), ou ben son titularidade das Sociedades, ou ben son doutras sociedades mercantís do Grupo IKEA ou de sociedades coas que as Sociedades teñen relación contractual ou de calquera outro tipo a tal efecto, e neste caso as Sociedades contan cos dereitos suficientes para a súa explotación en calquera forma, en especial os de reprodución, distribución, comunicación pública e transformación.
O acceso ou a utilización da aplicación por parte dos usuarios non pode considerarse de ningún xeito como outorgamento de dereitos, autorizacións nin licenzas de ningún tipo por parte das Sociedades, o resto das sociedades mercantís do Grupo IKEA ou de terceiros respecto do seu contido. Queda prohibida a reprodución, distribución, comunicación pública e transformación, en calquera modalidade, de contido suxeito a dereitos de propiedade intelectual mencionado na presente cláusula, salvo que se conte co previo e expreso consentimento por escrito dos seus titulares.
Sen prexuízo do expresado no parágrafo anterior, a marca comercial IKEA e o logotipo de IKEA son propiedade de "INTER IKEA SYSTEMS B.V." (sociedade mercantil domiciliada nos Países Baixos), e o acceso ou a utilización da aplicación pola túa parte non supón o outorgamento de ningún dereito de calquera natureza sobre eles. Prohíbese expresamente a súa utilización para calquera fin, incluídos os comerciais.
As Sociedades reservan o dereito de exercitar fronte ao usuario as accións xudiciais e extraxudiciais que correspondan, derivadas de calquera actuación deste que infrinxa os dereitos de propiedade Intelectual ou industrial existentes sobre os materiais e contidos da aplicación, sen prexuízo de calquera outra actuación, xudicial ou extraxudicial, que leven a cabo o resto das sociedades do Grupo IKEA ou outras terceiras persoas, físicas ou xurídicas, que puidesen resultar titulares dos devanditos dereitos, en defensa destes.
PRODUTOS IKEA
O usuario declara coñecer que todos os produtos que se venden en IKEA están destinados a un uso doméstico e foron sometidos a métodos de ensaio conforme ás normas e os estándares correspondentes. As garantías que ofrece IKEA con respecto aos seus artigos están condicionadas ao seu uso doméstico. Algúns produtos IKEA ensaiáronse conforme a estándares de uso profesional-público.
O usuario deberá, en todo caso, e con carácter previo a efectuar a compra dun artigo dos comercializados polas Sociedades, asegurarse de que este é legalmente idóneo para o uso que lle quere dar.
A tal fin, existen fichas descritivas de produto que se poden consultar en tenda e a través da aplicación. O Grupo IKEA e as Sociedades que o conforman non se fan responsables en ningún caso das posibles reclamacións derivadas dun uso diferente ao que está concibido o artigo IKEA.
O usuario declara coñecer que as Sociedades non teñen sistemas de xestión de certificados conforme a estándares internacionais (ISO9000, ISO 14000, EMAS, SA8000, etc.).
As Sociedades teñen o obxectivo de que a marca IKEA sexa por si mesma garantía de confianza para os nosos clientes, tanto durante os procesos que realizamos como cos produtos que vendemos, respecto ás cuestións de calidade, seguridade e medio ambiente, entre outras de responsabilidade corporativa. Para iso, temos sistemas de xestión e protocolos internos que abranguen todos os nosos procesos e que auditamos internamente para asegurar que se levan a cabo correctamente en todas as nosas unidades.
Así mesmo, a fabricación dos nosos produtos está sometida a estándares de calidade, medio ambiente e responsabilidade corporativa propios das Sociedades, baseados en principios internacionais e que son comúns aos establecidos nas normas, como as que se mencionan anteriormente. Ademais, temos auditores internos que verifican periodicamente a súa correcta implantación en todos os provedores de produtos e servizos IKEA.
POLÍTICA DE LIGAZÓNS
No caso de que se intenten establecer hiperligazóns coa aplicación, non poderás dar a entender que IKEA, directa ou indirectamente, autorizou a hiperligazón nin que, dalgún xeito, aprobou ou autorizou o contido da páxina web na que se establece a devandita hiperligazón, a súa inclusión. Tampouco poderás, por estes medios, realizar manifestacións falsas, inexactas ou ofensivas sobre o Grupo IKEA, as sociedades que o integran ou calquera dos seus traballadores ou colaboradores/as nin incluír na páxina da hiperligazón contidos desapropiados, difamatorios, ilegais, obscenos ou ilícitos, nin doutro tipo que poida contravir a legalidade vixente. Tampouco poderás crear macros ("frames") coas páxinas web nin sobre as páxinas web de IKEA.
As Sociedades reservan a posibilidade de comunicarse con aquelas persoas que consideran que incumpren as normas establecidas para as hiperligazóns, así como de exercitar as accións xudiciais e extraxudiciais pertinentes, derivadas de calquera conduta contraria ao disposto no parágrafo anterior.
As Sociedades non garanten o uso correcto e lícito da aplicación polos seus usuarios e, en consecuencia, declinan calquera clase de responsabilidade derivada de actuacións contrarias á legalidade vixente, incluídas, expresamente, manifestacións ou exaltacións de calquera clase vertidas a través de aplicacións ou ferramentas dispoñibles en cada momento na aplicación que resulten desaxeitadas, difamatorias, inxuriosas, ofensivas, racistas, obscenas ou discriminatorias, entre outras. Así mesmo, as Sociedades reservan o dereito de exercitar as accións xudiciais e extraxudiciais pertinentes, derivadas de calquera conduta contraria ao disposto neste parágrafo.
Agás os límites establecidos na lei, as Sociedades non asumen responsabilidade algunha derivada das seguintes situacións, que se enumeran a título enunciativo, pero non limitativo:
Dos erros que se puidesen producir como consecuencia de incidencias debidas a problemas na rede de Internet, incluída a imposibilidade de usar a aplicación, tanto como resultado de operacións rutineiras de mantemento, reparación ou ampliación do sistema como de implementacións de actualizacións imprescindibles para o bo funcionamento do devandito sistema.
Do uso por menores de idade da aplicación ou do envío dos seus datos persoais sen permiso dos seus pais ou titores, pois neste caso son os pais ou titores os responsables do uso responsable de Internet polos menores. IKEA recomenda a instalación dalgunha das ferramentas de control do uso de Internet co obxecto de evitar acceso a páxinas ou contidos non aptos para menores.
Dos contidos aos que poida acceder o usuario a través de ligazóns non autorizadas por IKEA ou que se introduzan polos usuarios, como comentarios, ou mediante ferramentas similares, cando estas sexan postas a disposición deles no Portal.
Da introdución de datos erróneos pola túa parte ou dun terceiro non autorizado, así como dos problemas co enderezo de correo electrónico que nos facilites, se é incorrecto ou presenta problemas operativos alleos a IKEA.
Da utilización ilícita que poidan facer os usuarios dos materiais e contidos da páxina web en infracción dos dereitos de propiedade intelectual ou industrial de contidos da web, nos termos establecidos no apartado "PROPIEDADE INTELECTUAL E INDUSTRIAL" das presentes Condicións de Uso.
As Sociedades declaran expresamente que empregan os máis altos estándares de seguridade existentes, para que o teu uso da aplicación sexa plenamente seguro e satisfactorio. Non obstante, as Sociedades non poden garantir a ausencia de virus nin doutros elementos que puidesen danar ou alterar o sistema informático do usuario (tanto soporte físico coma lóxico), por motivo de intromisións non autorizadas de terceiros alleos a eles, nin asume responsabilidade ningunha derivada diso. Correspóndeche, como usuario, dispoñer das ferramentas axeitadas para a detección de virus ou calquera outro elemento informático daniño.
En caso de constatar a existencia dun virus, elemento informático daniño ou calquera outra figura análoga, os usuarios deberán poñer a devandita situación en coñecemento de IKEA polas canles habilitadas a tal efecto. Para acadar unha mellor e máis rápida resolución das incidencias, é imprescindible que todas as persoas cooperen. No mesmo sentido, en caso de que IKEA constante unha brecha de seguridade no sistema, poñerao en coñecemento dos usuarios tan pronto como sexa posible.
LEXISLACIÓN APLICABLE
As presentes Condicións de Uso réxense pola lexislación española. En caso de disputa ou controversia relacionadas coa súa aplicación ou interpretación, as partes someteranse aos Xulgados e Tribunais que resulten competentes no territorio segundo a lexislación vixente.
En todo caso, comunicámosche que tes dereito a solicitar a resolución extraxudicial de controversias en materia de consumo accesible a través desta ligazón.
Porén, antes de proceder a utilizar este medio, contacta co noso Servizo de Atención ao Cliente en www.ikea.es/contacta para facernos chegar as túas posibles queixas ou controversias.
04/05/2022