Condicións legais das ofertas e promocións
Condicións legais do servizo de entrega de pedido pequeno gratuíto
Promoción válida exclusivamente para socios e socias IKEA Family, así como para membros da Rede IKEA para Empresas, do 9 ao 18 de xaneiro de 2026 en tendas físicas IKEA en España, ademais de nas compras realizadas a través de ikea.es, a aplicación IKEA e a venda telefónica. Durante o período de vixencia da promoción, as persoas participantes que realicen un pedido por un importe superior a 50€, impostos incluídos, poderán gozar do servizo de entrega de pedido pequeno gratuíto, sempre que o pedido cumpra coas condicións e limitacións propias do devandito servizo.
A promoción aplícase só a pedidos que poidan enviarse mediante o servizo de pedido pequeno, e quedan excluídos os produtos ou pedidos que, polas súas características de peso, volume ou formato, non sexan aptos para o susodito tipo de envío e requiran un servizo de transporte alternativo. Para poder beneficiarse da promoción, será necesario que a persoa participante se identifique como socio ou socia IKEA Family, ou ben como membro da Rede IKEA para Empresas. O importe mínimo de 50€ deberá acadarse nun único pedido, sen posibilidade de acumulación entre compras distintas.
En caso de devolución total ou parcial dos produtos incluídos no pedido ―e sempre que a devandita devolución implique que o importe total do pedido resultante deixe de superar os 50€―, IKEA poderá deducir do reembolso o custo do servizo de pedido pequeno que se bonificase como parte desta promoción. Se tras a devolución persiste o cumprimento do importe mínimo esixido, só se reembolsará o importe efectivamente aboado polos produtos devoltos. Todas as devolucións rexeranse pola Política de Devolucións vixente de IKEA.
IKEA resérvase o dereito de cancelar a participación ou anular o beneficio da promoción cando detecte fraude, abuso ou uso indebido, así como calquera incumprimento das presentes bases legais.
Condicións legais do 15% de desconto adicional en produtos do outlet
Promoción válida exclusivamente para socios e socias IKEA Family, así como para membros da Rede IKEA para Empresas, do 9 ao 18 de xaneiro de 2026 en tendas físicas IKEA en España, ademais de nas compras realizadas a través de ikea.es, a aplicación IKEA e a venda telefónica. Durante o período de vixencia da promoción, as persoas participantes que adquiran produtos incluídos no outlet poderán gozar dun 15% de desconto máis sobre o prezo outlet vixente, sempre que se cumpran as condicións e limitacións propias da promoción.
A promoción aplícase só aos produtos identificados como outlet, e quedan excluídos todos aqueles artigos que non formen parte da devandita sección ou que, pola súa natureza ou dispoñibilidade, non poidan acollerse ao desconto. Para beneficiarse da promoción, será necesario que a persoa participante se identifique como socio ou socia IKEA Family, ou ben como membro da Rede IKEA para Empresas. O desconto aplicarase directamente no momento do pagamento sobre o prezo outlet do artigo.
En caso de devolución dos produtos adquiridos ao abeiro desta promoción, IKEA reembolsaralle ao cliente o importe efectivamente aboado; é dicir, o prezo outlet menos o desconto adicional aplicado. Todas as devolucións rexeranse pola Política de Devolucións vixente de IKEA.
IKEA resérvase o dereito de cancelar a participación ou anular o beneficio da promoción cando detecte fraude, abuso ou uso indebido, así como calquera incumprimento das presentes bases legais.
Condicións legais do 15% de desconto en artigos do Mercado Circular
Promoción válida exclusivamente para socios e socias IKEA Family, así como para membros da Rede IKEA para Empresas, do 9 ao 18 de xaneiro de 2026 en tendas físicas IKEA en España, ademais de nas compras realizadas a través de ikea.es, a aplicación IKEA e a venda telefónica, sempre que estas canles dispoñan de artigos do Mercado Circular que se poidan mercar. Durante o período de vixencia da promoción, as persoas participantes que adquiran artigos incluídos no Mercado Circular poderán gozar dun 15% de desconto sobre o prezo vixente dos devanditos produtos, sempre que se cumpran as condicións e limitacións propias desta promoción.
A promoción aplícase só aos artigos identificados como parte do Mercado Circular, e quedan excluídos todos aqueles produtos que non formen parte desta sección ou que, debido á súa dispoñibilidade, o seu estado ou as súas características, non poidan acollerse ao desconto. Para beneficiarse da promoción, será necesario que a persoa participante se identifique como socio ou socia IKEA Family, ou ben como membro da Rede IKEA para Empresas. O desconto aplicarase directamente no momento do pagamento sobre o prezo marcado para o artigo do Mercado Circular.
En caso de devolución dos produtos adquiridos ao abeiro desta promoción, IKEA reembolsaralle ao cliente o importe efectivamente aboado; é dicir, o prezo do Mercado Circular menos o desconto aplicado. Todas as devolucións rexeranse pola Política de Devolucións vixente de IKEA, e consideraranse as particularidades propias dos artigos de segunda man, reacondicionados ou de oportunidade.
IKEA resérvase o dereito de cancelar a participación ou anular o beneficio da promoción cando detecte fraude, abuso ou uso indebido, así como calquera incumprimento das presentes bases legais.
Condicións legais da promoción 3x2 en produtos seleccionados
Promoción válida exclusivamente para socios e socias IKEA Family, así como para membros da Rede IKEA para Empresas, do 9 ao 18 de xaneiro de 2026 en tendas físicas IKEA en España, ademais de nas compras realizadas a través de ikea.es, a aplicación IKEA e a venda telefónica, sempre que as susoditas canles dispoñan dos produtos incluídos na promoción. Durante o período de vixencia da promoción, as persoas participantes que adquiran produtos seleccionados e que se poidan coordinar gozarán da oferta 3x2, sempre que se cumpran as condicións e limitacións propias desta promoción; aplicarase como beneficio o importe do artigo de menor prezo.
A promoción aplícase só aos seguintes produtos seleccionados, que poden coordinarse:
- 20476346 – Pano de cociña RINNIG, 45×60 cm, branco/gris escuro estampado, catro unidades
- 10597103 – Recipiente con tampa PRUTA, 0,6 l, azul, tres unidades
- 50597101 – Recipiente con tampa PRUTA, 70 ml, lila, tres unidades
- 50035752 – Pano de mesa de papel FANTASTISK, 40×40 cm, branco, 100 unidades
- 30213552 – Botella con tapón KORKEN, 1 l, vidro transparente
- 50388715 – Candeeiro SAMVERKA, branco
- 50395382 – Bolsa de almacenaxe PÄRKLA, 55×49×19 cm
- 60136623 – Andel adicional VARIERA, 32×28×16 cm, branco
- 30522381 – Bolsa para zapatos PÄRKLA, 48×22 cm
Quedan excluídos desta promoción todos aqueles artigos que non formen parte desta listaxe. Para beneficiarse da promoción, será necesario que a persoa participante se identifique como socio ou socia IKEA Family, ou ben como membro da Rede IKEA para Empresas. O desconto aplicarase no momento do pagamento, e deducirase de xeito automático o importe do terceiro artigo ―o de menor valor entre os seleccionados―, sen límite de repeticións por pedidos mentres que se respecten as condicións da promoción.
En caso de devolución total ou parcial dos produtos adquiridos ao abeiro desta promoción, IKEA reembolsaralle ao cliente o importe efectivamente aboado por cada artigo e considerará a distribución proporcional do desconto aplicado. No suposto de que a devolución implique que o cliente deixe de cumprir as condicións necesarias para beneficiarse do 3x2, IKEA poderá volver calcular o importe que devolver e axustalo ao prezo real dos artigos sen a promoción. Todas as devolucións rexeranse pola Política de Devolucións vixente de IKEA.
IKEA resérvase o dereito de cancelar a participación ou anular o beneficio da promoción cando detecte fraude, abuso ou uso indebido, así como calquera incumprimento das presentes bases legais.