Manifestación de inquietudes ou mala conduta

Sobre que podo informar a través da Trust Line do Grupo Ingka?

Podes manifestar as túas inquietudes relacionadas cunha mala conduta no lugar de traballo dentro do Grupo Ingka e informar sobre o incumprimento das leis e normativas pertinentes da UE.

Animámoste a informar sobre calquera infracción da lexislación da UE que teña lugar no Grupo Ingka e que estea relacionada coas seguintes áreas:

• Contratación pública
• Produtos, mercados e servizos financeiros, e prevención do branqueo de capitais e o financiamento de organizacións terroristas
• Cumprimento e seguridade dos produtos: seguridade no transporte
• Protección do medio: seguridade dos alimentos e os pensos, e saúde e benestar dos animais
• Saúde pública
• Protección do consumidor
• Protección da privacidade e dos datos persoais, e seguridade da rede e os sistemas de información

Quen pode manifestar unha inquietude?

• Os/as colaboradores/as do Grupo Ingka (tanto se teñen un contrato a xornada completa como a tempo parcial ou de duración determinada).
• Persoas cun contrato de emprego ou unha relación laboral cunha empresa de traballo temporal que forneza servizos ao Grupo Ingka.
• Candidatos/as de emprego ou persoas que queira ofrecer servizos como autónomos ao Grupo Ingka: traballadores autónomos, contratistas, subcontratistas e provedores que fornezas os seus servizos ao Grupo Ingka.
• Accionistas e membros dos departamentos de xestión do Grupo Ingka.
• Individuos cuxa relación laboral co Grupo Ingka finalizase.
• Voluntarios e aprendices, remunerados ou non, que traballen para o Grupo Ingka.

Como podo manifestar as miñas inquietudes se sospeito que se está a infrinxir a lexislación da Unión Europea?

Podes tomar a decisión de manifestar as túas inquietudes ante a entidade legal do país que se vexa afectado. Se non é apropiado ou non che dá confianza, podes utilizar a Trust Line do Grupo Ingka.

1. Fai clic no botón "Manifestar inquietude ao Grupo Ingka".
2. Fai clic na bandeira do país pertinente.
3. Insire o código de acceso que se mostra.
4. Recibirás un número de caso único.
5. Anótao e gárdao para consultalo en próximas ocasións.
6. Comparte as túas inquietudes no campo de texto. Inclúe todos os detalles que sexan importantes para rexistrar o teu caso (o normal é indicar que aconteceu, onde, cando, por que e que persoa estivo involucrada).
7. Volve consultalo pasada unha semana para ler a resposta á túa mensaxe.

Que ocorre despois de manifestar unha inquietude?

• As túas inquietudes, ao igual que a túa identidade (se é que decides revelala), compartiranse cos responsables da Trust Line. No caso de que a investigación avance, estes datos trasladaranse ás persoas responsables de levala a cabo e de facer o seguimento.
• Os responsables deste departamento avalían todas as inquietudes rexistradas a través da Trust Line mediante o principio de catro ollos. Ditos responsables son colaboradores/as do Grupo Ingka que se formaron especificamente para ocupar este cargo.
• Unha semana despois de manifestar a túa inquietude, recibirás unha resposta dun responsable da Trust Line con información acerca de se se vai ter en conta a inquietude en cuestión e como se vai abordar.
• Asegúrate de acceder á Trust Line co número de caso único para consultar a resposta dos responsables da Trust Line.

Podo manifestar as miñas inquietudes de xeito anónimo?

Na maioría dos países, podes preservar a túa identidade ao manifestar inquietudes.

Non se che pedirá que te identifiques e, dado que a túa mensaxe se vai transferir a través dun provedor externo, ninguén do Grupo Ingka poderá rastrexar o teu enderezo IP.

Con todo, debes ter en conta que as inquietudes que se rexistran de maneira anónima teñen un impacto menor.

Quen se ocupa de xestionar as inquietudes?

O principio xeral para procesar inquietudes é involucrar a menor cantidade de persoas posible. As persoas que se encargan de investigar as inquietudes están obrigadas a manter a confidencialidade. Business Risk Management and Compliance, do Grupo Ingka, encárgase de xestionar a Trust Line.

O responsable designado para realizar un seguimento das inquietudes traballará na organización afectada e deberá ocupar un posto que estea, polo menos, un nivel por enriba de dita organización.

People Intouch encárgase de xestionar a Trust Line, un provedor externo independente. A identidade das persoas que manifestan as súas inquietudes e a confidencialidade da información que comparten están protexidas. Queres obter máis información sobre People Intouch? Visita a súa páxina web: https://www.peopleintouch.com

Como conseguen na Trust Line que a miña mensaxe sexa confidencial?

A Trust Line está deseñada para cumprir con requisitos internos e externos estritos, entre os que destacan a seguridade da información e a privacidade dos datos. A través de People Intouch, o noso provedor externo, a identidade das persoas que manifestan as súas inquietudes e a confidencialidade da información que comparten están protexidas.

Pode afectarme negativamente o feito de manifestar as miñas inquietudes?

No Grupo Ingka, animámoste a compartires as túas sospeitas sobre unha mala conduta.

• As persoas que manifestan as súas inquietudes sempre están protexidas durante todo o proceso. Se o fan de forma xenuína, non terían que verse afectadas negativamente.
• Non toleramos as ameazas nin calquera outro tipo de represalia.
• Consideramos que tomar represalias contra as persoas que manifestan as súas inquietudes incumpre o noso código de conduta, polo que, de darse o caso, é posible que se adoptasen medidas (disciplinarias).

Ten en conta que non se te protexerá se manifestas unha inquietude que sabes de antemán que é falsa.

Como tratades os meus datos?

Ingka Services B.V. asume a responsabilidade da Trust Line do Grupo Ingka, tanto para procesar as túas inquietudes como para tratar os teus datos persoais. De acordo coa lexislación de protección de datos en vigor, tes dereito a consultar os teus rexistros de forma gratuíta unha vez ao ano. Podes solicitalo mediante un escrito dirixido ao Delegado de Protección de Datos ao seguinte enderezo: Ingka Services B.V, Bargelaan 20, 2333CT, Leiden, Países Baixos. Tes que asinar debidamente a solicitude e enviala por correo postal. Polo tanto, non podes solicitar acceso aos teus rexistros por correo electrónico.

Tes dereito a solicitar que os datos persoais que non se tratasen de acordo coa lexislación de protección de datos en vigor se corrixan, se bloqueen ou se eliminen de inmediato.

É probable que algúns datos persoais se traten e se transfiran, tanto dentro como fóra do Espazo Económico Europeo, a distintas entidades do Grupo Ingka. Sempre nos aseguraremos de que isto se faga de conformidade coas leis de protección de datos.