Tendas IKEA

Tendas IKEA


Selecciona a túa tenda IKEA ou punto de recollidapara ver toda a información sobre horarios, enderezos e as novidades da túa tenda máis próxima. Tamén encontrarás información sobre o noso restaurante e a tenda de alimentación sueca. Ven á túa tenda e goza da experiencia. 

En IKEA poñemos á túa disposición un aparcadoiro gratuíto. Tes á túa disposición prazas especiais para persoas discapacitadas e familias. Tamén dispós dunha zona de carga xunto á porta de saída para facilitar a túa compra.

No noso aparcadoiro encontrarás prazas especiais preto da entrada reservadas para familias. Á entrada da tenda encontrarás a nosa sala de xogos, Småland, repleta de emocionantes aventuras para os máis pequenos. Se, pola contra, vos apetece máis estar xuntos, poderás utilizar carros para nenos pequenos. Ao longo do percorrido poderás encontrar zonas de recreo para que, mentres ti elixes e probas os teus produtos, eles poidan pasar un anaco agradable.

O noso restaurante está especialmente pensado para a infancia. Poderás encontrar dende ofertas especiais ata tarriños de comida para bebés, tronas, babeiros, microondas... e outra zona de xogos para eles. Tamén tes á túa disposición unha sala de lactación e cambio de cueiros. Todos estes servizos e facilidades son gratuítos, así que, se a túa visita se alonga, non tes por que preocuparte.

Todas as tendas IKEA teñen prazas de aparcamento para visitantes con discapacidade, así como portas automáticas á entrada. Dentro da tenda ofrecemos cadeiras de rodas en préstamo, hai ascensor, baños para minusválidos e ramplas.

Todas as tendas IKEA son un espazo libre de fumes na súa totalidade.

En todas as nosas tendas temos dispoñibles cadeiras de rodas para aqueles clientes que as necesiten. Achégate ao punto de información situado na entrada da tenda e facilitarémoscha.

Só está permitido o acceso de cans guía (usuarios con discapacidade visual), cans de servizo (usuarios con discapacidades físicas), cans sinal (usuarios con discapacidade auditiva) ou cans de aviso (dan alerta médica a usuarios que sufran enfermidades, como diabete ou epilepsia, entre outras), que estean debidamente certificados.

Horario de apertura da tenda e como chegar


Fai clic na túa tenda para ver o horario de apertura, información sobre como chegar, ofertas especiais e outra información da tenda.

Máis información:

Actividades e ofertas


Encontrarás toda a información dispoñible sobre as nosas ofertas na páxina local da túa tenda IKEA ou na páxina de ofertas e promocións. Na nosa web de IKEA FAMILY poderás acceder aos calendarios de todas as actividades organizadas e talleres na túa tenda IKEA, ver as prazas dispoñibles e apuntarte. Non os perdas!

Máis información:

Artigos perdidos en tenda


Deixaches algo na nosa tenda IKEA? Tentaremos conseguilo por ti, para iso, sigue os seguintes pasos:

Accede ao noso formulario de Atención ao Cliente. Selecciona a opción "Artigos perdidos en tenda".
Enche toda a información correspondente, non esquezas darnos todos os detalles do artigo para conseguilo sen problema. Cando teñamos toda a túa información, chegaranos un correo e xestionarémolo. Así que teñamos unha resposta, poñerémonos en contacto contigo inmediatamente.

Queres coñecer máis sobre o noso restaurante e a tenda de alimentación IKEA?


Goza do delicioso sabor de Suecia na túa tenda IKEA. Toma un respiro no Restaurante IKEA cun dos nosos famosos pratos ao estilo sueco ou goza dun dos nosos pratos nacionais. Antes de irte, non esquezas levar un aperitivo do Bistro e bota unha ollada á ampla gama de alimentación, chocolates, bebidas etc. na Tenda de Alimentación Sueca. Smaklig måltid!

No teu restaurante IKEA encontrarás unha representación da gastronomía típica sueca, así como unha variedade de pratos locais. Ademais, encontrarás sempre opcións para celíacos e vexetarianos. Se desexas coñecer algunhas das nosas especialidades, visita a nosa páxina do restaurante IKEA. No noso restaurante tes á túa disposición tarriños de comida para bebés, así como babeiros, tronas e outros accesorios. Se desexas traerlle a súa comida de casa, encontrarás un microondas para quentala. E se o prefires, tes tamén á túa disposición unha sala de lactación. Todos estes servizos son gratuítos.

No noso restaurante aceptamos os vales de Cheque Gourmet e Ticket Restaurant, Sodexo Pass e Boresa. Ademais, poderás usar a tarxeta de Buenmenu no centro de IKEA Hospitalet. Podes consultar os horarios da apertura do restaurante na páxina web da túa tenda IKEA.

Máis información:

Que instalacións tedes para persoas con mobilidade reducida?


Para os nosos visitantes con mobilidade reducida, ofrecemos os seguintes servizos nas tendas IKEA:

Cadeiras de rodas, de uso gratuíto na tenda.
Para compra asistida, diríxete ao departamento de Atención ao Cliente da tenda para solicitala.
Instalacións para os visitantes con discapacidade auditiva

As tendas están pensadas para as familias?

Cada tenda ofrece tronas, comida para bebé de produción ecolóxica, espazos para quentar comida de bebé e comidas saudables para os nenos no restaurante, zonas de xogos e de lactación. Todas as nosas tendas teñen unha gardaría que podes usar durante 45 minutos cada vez (reserva na tenda). Trae á túa familia, temos algo para todos.

Por que ás veces non hai artigos dispoñibles?


Intentamos manter a dispoñibilidade dos artigos que se mostran no catálogo, pero, por mor da popularidade e a cuestións de subministración, é posible que algúns produtos non estean sempre dispoñibles. En xeral, IKEA pode estimar cando volveremos ter un produto en stock. Podes comprobar a dispoñibilidade na páxina de información do produto para verificar se os artigos están dispoñibles antes de desprazarte á tenda. Se un artigo non está dispoñible, encontrarás unha opción para avisarte vía SMS ou correo electrónico cando haxa stock de novo. A dispoñibilidade de artigos de oportunidades ou da tenda de alimentación non se pode consultar. O stock na web actualízase aproximadamente cada 60 minutos. Recorda que IKEA é un autoservizo, polo que non se realizan reservas nin traspasos entre tendas. Se estás a preparar a túa compra, podes engadir os produtos á lista da compra e comprobar a dispoñibilidade ao mesmo tempo. E se requires grandes cantidades dun produto, contacta co noso servizo IKEA BUSINESS.

As tendas ofrecen servizo de transporte a domicilio ou alugueiro de furgonetas?


Dado que a maioría dos mobles de IKEA se embalan en paquetes planos, podes levar os teus produtos á casa hoxe mesmo no teu coche e gozalos dende o primeiro momento. Se o prefires, IKEA pode organizarche a entrega a domicilio a un prezo razoable: visita o mostrador do servizo de transporte na área de Atención ao Cliente despois de realizar a compra. Tamén ofrecemos un servizo de alugueiro de furgonetas prestado por Hertz.

Máis información:

Podédesme axudar coa montaxe?


Si, encontrarás a guía de montaxe xunto á descrición do produto en liña; tamén podes preguntar na tenda ou chamarnos para cuestións xerais ou, se desexas que montemos os teus mobles, podes encontrar máis información na nosa páxina de servizos.

Máis información:

Alguén pode axudarme a planificar e deseñar cuartos?


Moitas tendas IKEA ofrecen un servizo de decoración se desexas darlle ese toque especial a unha estancia completa ou a toda a túa casa. Estaremos encantados de axudarche na tenda. IKEA tamén ofrece ferramentas de planificación en liña para unha serie de produtos, como almacenaxe, cociñas, armarios e mobles de oficina. Os nosos departamentos de cociñas tamén poden organizar unha visita á túa casa para axudarche a deseñar a túa cociña perfecta. Consulta aquí máis información sobre os servizos de cociñas.

Máis información:

Perdín algo na tenda, como o recupero?


Para artigos perdidos, diríxete ao mostrador de Atención ao Cliente da tenda onde realizaches a compra. Ten en conta que as tarxetas de crédito se destruirán despois de 24 horas por seguridade.

Parece que hai un erro na miña factura. Que debo facer?


Volve á tenda co comprobante de compra e xestionarémolo por ti. Se non podes volver á tenda, ponte en contacto connosco.

Máis información: