Compra en liña

Necesitas información sobre os nosos produtos?


Utiliza a barra de busca da zona superior para localizar a páxina do produto. A zona de "Información do produto" contén unha gran cantidade de recursos. Poderás tamén acceder ás súas instrucións de montaxe e mantemento. Na páxina do produto encontrarás un despregable con outras cores e medidas dispoñibles se existen. Tamén che poden ser moi útiles as nosas guías de compra, onde che mostramos como combinan as nosas series.

Como realizar o meu pedido en liña?


Podes realizar a túa compra en liña dende calquera dispositivo e decidir onde e como queres recibir o teu pedido. Tes algunha dúbida de como funciona? Accede á páxina de compra en liña e descubre as posibilidades que ofrecemos. Para empezar a facer un pedido, selecciona os produtos que desexas e engádeos ao carriño.

Posteriormente, terás que seleccionar a modalidade de entrega que prefiras:

- Entrega a domicilio: enviámosche o teu pedido ao enderezo que ti elixas. No caso de solicitar a entrega a domicilio, pedirémosche o código postal do lugar de entrega.

- Click & Collect: para recoller o teu pedido en calquera das nosas tendas IKEA, no noso Punto de Entrega de Pamplona ou en calquera dos Puntos de Recollida de empresas colaboradoras.

Se vives fóra de España e escolles Click & Collect, debes introducir o código postal 99999 nos teus datos persoais para poder continuar coa túa compra.

Antes de efectuar o pagamento visualizarás o pedido completo cos prezos finais dos artigos e do servizo elixido, a data de recollida de Click & Collect ou a franxa de entrega seleccionada para Entrega a domicilio.

Unha vez realizado o pagamento, recibirás de forma instantánea a confirmación do pedido vía correo electrónico. Para recoller a túa compra, é necesario presentar o documento de identidade que proporcionaches no momento da compra. Para os pedidos Click & Collect, á parte do documento de identidade, é necesario presentar o correo de confirmación do pedido.

 

Os prezos que aparecen na nosa web poden variar, á alza ou á baixa*, segundo a tenda.

*Nas promocións nacionais ou locais que consistan en combinacións e ofertas 3x2, o cliente aboará o prezo sen desconto. Realizarase o aboamento do desconto no prazo de 72 horas e a través do mesmo medio de pagamento utilizado para realizar a compra. Todos os nosos prezos inclúen IVE.

Gama de artigos dispoñibles


Todos os artigos mostrados na web están dispoñibles para a compra en liña, agás as plantas naturais, alimentación e produtos de IKEA Food, tea por metros, mesados á medida, artigos baixo pedido, alfombras persas e artigos coa mesma referencia para varios cores/talles.

Os produtos adquiridos na compra en liña teñen a mesma garantía que os produtos adquiridos nos establecementos IKEA.
 

Dispoñibilidade


Poderás consultar o stock dos artigos no teu carriño.

É posible que un produto, cuxa dispoñibilidade se confirmara, se esgotara durante o proceso de preparación de pedido. Neste caso, poñerémonos en contacto contigo para ofrecerche unha solución.

Ten en conta que o stock se actualiza cada 60 minutos.
 

Ofertas en liña


Estarán dispoñibles para as compras en liña os descontos ofrecidos a socios de IKEA FAMILY, as ofertas locais vixentes e todas as visibles na nosa páxina web.

No momento da compra, co número da túa tarxeta IKEA FAMILY poderás gozar das vantaxes para socios. Se aínda non o es, solicita aquí a túa tarxeta.

Nas promocións nacionais ou locais que consistan en combinacións, ofertas 3x2 e envíos a domicilio "non hai présa, podo esperar", terás que aboar o prezo do artigo sen desconto. Devolvémosche o importe do desconto no prazo de 72 horas e a través do mesmo medio de pagamento utilizado para realizar a compra.

Para envíos a domicilio "o antes posible", aboarás o prezo do artigo con desconto.

Podo contratar servizos de montaxe, instalación ou retirada de mobles para o meu pedido en liña?


Non é posible contratar servizos adicionais, como montaxe ou instalación, ao realizares o teu pedido en liña.

Se necesitas contratar a montaxe, instalación ou algún outro servizo adicional para a túa compra en liña, debes acudir á túa tenda IKEA, á túa IKEA Deseña máis próxima ou punto de recollida de Pamplona e solicitar os servizos que necesites nos mostradores de Atención ao Cliente ou transporte.

Ver todas as tarifas de servizos

Cales son as formas de pagamento para pedidos en liña?

Podes pagar a túa compra en liña con:
 
- A túa tarxeta de crédito ou débito (VISA ou MasterCard).
 
- A través da túa conta PayPal. Con PayPal podes pagar de xeito seguro todas as túas compras en www.ikea.es sen custos adicionais.
 
- Podes fraccionar as túas compras coa túa IKEA VISA. A compra en liña será fraccionada automaticamente a 10 meses sen xuros. Só tes que introducir os datos da túa tarxeta IKEA VISA á hora de pagar. (1) Unha vez finalizada a compra, poderás cambiar o fraccionamento desta compra ao modo de pagamento habitual que teñas asignado na túa tarxeta a través da App IKEA VISA ou chamando o 902 101 335.
 
- Agora, poderás empregar a túa tarxeta regalo nas túas compras en liña sempre que a modalidade de entrega da túa compra sexa Paquetaría ou Envío a domicilio distinto de Envío rápido. 
 
 
(1) Oferta financeira realizada por CaixaBank Consumer Finance E.F.C. e suxeita á súa aprobación. TXN: 0%. TAE: 0 % para compras realizadas na tenda en liña de IKEA. Oferta válida ata o 31/08/2019. Importe mínimo a financiar: 10 €. Importe máximo a financiar: 15.000 €.

Tarxetas regalo


Coa tarxeta regalo IKEA acertarás seguro! Podes adquirir unha tarxeta regalo en todas as nosas tendas. Elixe o importe e lévaa. A tarxeta regalo IKEA non ten caducidade e, se o desexas, podes utilizala de forma fraccionada segundo necesites.

Agora tamén a podes mercar na nosa web e recibila por correo electrónico premendo aquí.

É válida en calquera tenda da Península Ibérica e podes empregala en calquera dos seguintes países: Alemaña, Australia, Austria, Bélxica, Canadá, Croacia, Dinamarca, España, Finlandia, Francia, Hungría, Italia, Irlanda, Noruega, Países Baixos, Polonia, Portugal, República Checa, Reino Unido, Rusia, Eslovaquia, Suecia e Suíza.

En caso de extravío, recordámosche que as tarxetas regalo non son nominativas, polo que a súa perda é insubstituíble. Para consultar o saldo da túa tarxeta, acude ao mostrador de Atención ao Cliente da tenda ou chámanos o 900 400 922.

Tarxeta promoción en compras en liña


IKEA ofrece promocións, de forma eventual, pola túa compra en liña. Se cumpres as condicións para recibir unha Tarxeta Promoción como agasallo, enviarémosche a mesma ao correo electrónico que nos indiques para completar a túa compra.

A caducidade destas Tarxetas Promoción dependerá das condicións da promoción á que estean subscritas.

Este tipo de tarxeta promoción só se pode empregar nas túas tendas físicas IKEA do territorio peninsular (menos Canarias e Baleares).

Estamos traballando para que moi pronto a poidas empregar nas túas compras en liña.

Podo pagar con PayPal o meu pedido en liña?

En IKEA.es podes pagar de forma segura todas as túas compras sen custos adicionais a través da túa conta PayPal. En caso de calquera consulta ou incidencia co teu pedido, chámanos o 900 400 922.

Sistema de pagamento 3D-Secure


Trátase dun control de seguridade contra a fraude para garantirche unha maior seguridade e unha sólida autenticación cando utilices as túas tarxetas de débito ou crédito para comprar en Internet.

En función do tipo de tarxeta, a este control tamén se lle denomina “MasterCard SecureCode” ou “Verified by Visa”.

Unha vez que introduzas os datos da túa tarxeta bancaria, pasarás a unha pantalla na que se che pedirá que teclees unha clave secreta formada por un código numérico que, dependendo do teu banco, se che proporcionará de diferente xeito:
- Envío deste código numérico ao teu móbil mediante SMS.
- Ou mediante unha tarxeta de coordenadas que che facilita a túa entidade bancaria previamente, e na cal serás capaz de identificar o código numérico de xeito inequívoco.

A túa entidade financeira autenticará a transacción nuns segundos e, ademais, confirmará que es ti quen realiza a compra.

Se o teu banco utiliza o envío de SMS, recorda que, cando solicitas unha tarxeta de crédito/débito a un banco, a entidade che pide uns datos: un deles é o teu número de móbil. Se cambiaches de móbil, recomendámosche que te poñas en contacto co teu banco.

Se o teu banco utiliza a tarxeta de coordenadas como método para proporcionarche a clave de seguridade, facilitoucha no momento no que che enviou a tarxeta e o resto de documentación. Se non foi así, recomendámosche que te poñas en contacto con eles para que cha envíen.

Cando recibirei a miña factura ao realizar unha compra en liña?


Xeramos unha factura ordinaria en todos os pedidos en liña, polo que revisa os datos de facturación no momento de realizar a compra.

Entregarémosche a factura ordinaria válida para os efectos fiscais xunto co teu pedido se contrataches o método de envío a domicilio "non hai présa, podo esperar".

No caso de contratares o envío a domicilio "o antes posible", recibirás a túa factura no momento da compra.

Para máis información, visita as preguntas frecuentes de facturas.

Incidencias co pagamento en liña?


Se tes algunha incidencia ao realizar o pagamento, é probable que a túa tarxeta non teña activada a opción de pagamento para compras en Internet ou teña un importe límite de compra establecido. Consulta co teu banco ou na túa oficina bancaria virtual.