Declaración de accesibilidade dixital

IKEA Retail (Grupo Ingka): Como negocio retallista comprometido coa misión de ofrecer unha ampla variedade de produtos de mobiliario funcional e ben deseñado a prezos baixos para a maioría das persoas, estamos a mellorar continuamente a accesibilidade das nosas experiencias, sistemas e servizos dixitais para a nosa diversa base de clientes, incluídas as persoas con discapacidades, de conformidade coa Lei 11/2023, do 8 de maio, de transposición de Directivas da Unión Europea en materia de accesibilidade.

Estamos a traballar continuamente para mellorar a accesibilidade dixital, e facémolo implementando estándares globais, incluídas as Directrices de Accesibilidade ao Contido Web (polas súas siglas en inglés, WCAG).

Como negocio, IKEA Retail (Grupo Ingka) comprometeuse a utilizar un enfoque centrado no ser humano á hora de usar a tecnoloxía para beneficiar á maioría.

Estado de conformidade

As WCAG proporcionan orientación sobre como facer que os sitios web sexan máis doados de usar para as persoas con discapacidade. Hai tres niveis de conformidade, e IKEA Retail (Grupo Ingka) ten como obxectivo alcanzar o nivel AA 2.1 das WCAG.

IKEA.com

Tomamos medidas significativas para facer que as nosas experiencias dixitais sexan máis inclusivas. Tamén estamos a traballar con expertos/as en accesibilidade e persoas con discapacidades para probar e proporcionar as súas impresións. As nosas iniciativas inclúen, entre outras, mellorar os nosos textos alternativos e a experiencia de navegación, tanto co teclado como ao utilizar un lector de pantalla. Tamén melloramos aspectos como o contido de vídeo con transcricións e subtítulos dispoñibles, e as cabeceiras cunha mellor estrutura xerárquica nunha páxina.

Este sitio web é parcialmente accesible conforme coa Lei 11/2023, do 8 de maio, debido ás excepcións e á falta de conformidade dos aspectos que se indican a continuación:

Contido non accesible

Sabemos por varias avaliacións de accesibilidade que aínda temos algunhas cousas que mellorar. Lembra que isto non significa que os usuarios non poidan acceder e usar o sitio web de IKEA, senón que indica que aínda temos traballo que facer, e estamos no proceso.

En total transparencia, algúns dos contidos non accesibles son, por exemplo:

• Algunhas imaxes que están destinadas a fins decorativos non están implementadas de xeito que as tecnoloxías de asistencia poidan ignoralas.
• Estase a mellorar o texto alternativo para as imaxes de produtos.
• Pode ser que algúns contidos de vídeo non teñan subtítulos dispoñibles.
• Pode ser que algunhas cabeceiras non formen unha estrutura xerárquica na páxina.
• Pode ser que algunhas funcionalidades non sexan totalmente compatibles coa tecnoloxía de asistencia dos lectores de pantalla.
• Algunhas funcións ou contidos poden verse afectados cando o texto se amplía ao 200%.
• É posible que algúns elementos da interface, como as iconas ou os botóns, teñan un contraste insuficiente.

A aplicación IKEA

A aplicación IKEA é parcialmente accesible conforme coa Lei 11/2023, do 8 de maio, debido ás excepcións e á falta de conformidade dos aspectos que se indican a continuación:

Contido non accesible

Sabemos por varias avaliacións de accesibilidade que aínda temos algunhas cousas que mellorar. Lembra que isto non significa que os usuarios non poidan acceder e usar a aplicación de IKEA, senón que indica que aínda temos traballo que facer, e estamos no proceso.

En total transparencia, algúns dos contidos non accesibles son, por exemplo:

• Algunhas imaxes que están destinadas a fins decorativos non están implementadas de xeito que as tecnoloxías de asistencia poidan ignoralas.
• Estase a mellorar o texto alternativo para as imaxes de produtos.
• Pode ser que algúns contidos de vídeo non teñan subtítulos dispoñibles.
• Pode ser que algunhas cabeceiras non formen unha estrutura xerárquica na páxina.
• Pode ser que algunhas funcionalidades non sexan totalmente compatibles coa tecnoloxía de asistencia dos lectores de pantalla.
• Algunhas funcións ou contidos poden verse afectados cando o texto se amplía ao 200%.
• É posible que algúns elementos da interface, como as iconas ou os botóns, teñan un contraste insuficiente.

Estamos a traballar activamente para abordar estes problemas como parte dun esforzo continuo para mellorar a accesibilidade das nosas experiencias, sistemas e servizos dixitais.

Produtos da web locais

Hai dúas solucións adquiridas a escala local no sitio web de IKEA en España que presentan deficiencias con respecto ás novas obrigas legais en materia de accesibilidade dixital. Estamos a facer o posible por melloralas para que se adapten por completo á nova lexislación.

1. Páxina de solicitude de facturas de asistencia ao cliente
   Trátase dun formulario web para solicitar ou duplicar unha factura a petición do cliente. A información legal e fiscal recóllese nun formulario web, o que permite que o noso Remote Contact Centre cree, comparta e duplique facturas.
2. Programa de afiliación en España
   É un produto de rede privada virtual para crear, xestionar e estender os nosos programas para socios/as a través da nosa propia marca. As persoas que se afilien poden iniciar sesión en ikea.es e navegar por un sitio web xestionado por un socio externo.  

Ponte en contacto connosco

Selecciona unha das seguintes opcións para poñerte en contacto connosco.

Preparación da presente declaración de accesibilidade

A presente declaración tomou como referencia as avaliacións realizadas cos nosos equipos expertos en accesibilidade co apoio de avaliacións periódicas dos nosos provedores en accesibilidade.

A devandita declaración preparouse o 10/06/2025, e revisouse e actualizouse por última vez o 14/08/2025.