Reparación dun banco ou tallo
Co tempo, debido ao uso diario, os bancos adoitan estragarse e cambalear. Cuns coidados mínimos, recuperarán a solidez e o aspecto para que poidas seguir a gozar deles. Sigue estes sinxelos pasos para reparar e restaurar bancos. Comecemos!
Que máis necesitas?
- Peza de reposto para substituír a peza danada (diríxete á túa tenda ou accede aquí)
- Pezas de reposto pequenas gratuítas (parafusos e tacos)
- Papel de lixa
Paso 1: Revisa o banco
Revisa ben o banco. Hai algunha unión solta, algunha greta ou algunha peza rota? Toma nota de todo o que teñas que arranxar para saber con exactitude o que tes que facer. Comproba se tes todo o que precisas para reparar os estragos e se es capaz de atopar os repostos en Internet ou na tenda. Unha revisión rápida a tempo axilizará moito a reparación despois.
Paso 2: Aperta os parafusos que estean frouxos e repón os que falten
Colle unhas chaves Allen ou un desaparafusador, e aperta todas as unións que vexas ou utiliza pezas de reposto novas para repoñer os parafusos que falten. E non esquezas como vai isto: para apertar, vira cara á dereita; para afrouxar, vira cara á esquerda.
Paso 3: Desmonta a peza danada
Se unha unión non se pode apertar máis ou non funciona como é debido, desmonta a peza danada do banco. Utiliza unha ferramenta, como un desaparafusador ou unhas chaves Allen, para desmontala sen danar o banco. Move un pouco a peza para soltala se está atoada, pero non a forces.
Paso 4: Busca os repostos das pezas danadas
Cambia as pezas danadas polas pezas de reposto de IKEA de acordo coas instrucións de montaxe ou efectúa o procedemento de desmontaxe á inversa. Aperta ben todos os parafusos. Atoparás pezas de reposto na túa tenda IKEA ou no sitio web.
Paso 5: Lixa e dálle os últimos acabados
E, agora, o toque final. Colle papel de lixa, pintura* ou verniz. Lixa as asperidades co papel de lixa, limpa a superficie e pinta ou verniza para disimular as reparacións. Agarda a que seque, e... aquí tes o teu banco, listo e como novo!
* O uso de pintura recoméndase só para produtos de madeira sen tratar. Se pintas este tallo, é moi probable que esvare. Se decides aplicar un tratamento á superficie, recomendámoste que coloques as tiras antiesvaróns PATRULL.
