Recupera o brillo das superficies de madeira
A madeira perde brillo co tempo e adquire un aspecto apagado. Cuns coidados mínimos, protexerala contra a humidade, os raios UV e o desgaste diario, e recuperará a súa beleza natural. Sigue estes sinxelos pasos para restaurar e protexer a túa mesa de madeira. Esta guía serve só para mesados e mobles de madeira sen tratar ou que se aceitasen con anterioridade. Só se pode usar en interiores. Comecemos
Que máis necesitas?
- Papel de lixa de gran fino (de gran 220 aproximadamente)
Paso 1: Limpa a superficie
Prepara un caldeiro con auga e xabón, e mais un trapo. O primeiro é limpar ben a mesa. Empapa o trapo en auga con xabón e limpa toda a superficie do moble para eliminar o po, a sucidade e calquera resto pegañento. Antes de continuar co seguinte paso, agarda a que a mesa seque por completo. Se queres obter un resultado óptimo, a superficie debe estar ben limpa.
Paso 2: Lixa a superficie
Prepara un papel de lixa de gran fino (de gran 220 aproximadamente) e mais un trapo. Lixa a mesa co papel de lixa seguindo a dirección das veas. Deste xeito, eliminarás asperidades e prepararás a madeira para o seu posterior tratamento. Retira os restos de po cun trapo limpo e seco.
Paso 3: Aplica aceite para madeira ou pintura
Prepara o aceite para madeira de IKEA e un trapo limpo. Xa vai sendo hora de recuperar o bonito aspecto natural que tiña antes. Sigue as instrucións do produto.Aplica o produto de xeito uniforme por toda a superficie. Deixa que a mesa seque antes de usala.
Paso 4: Deixa que seque
A paciencia é a chave. Antes de usar a mesa, déixaa secar e que absorba o aceite durante, ao menos, 24 horas. Se usaches pintura, asegúrate de que secase ben.
