Unha forma de vida circular
En IKEA, cremos que unha vida sostible debe ser accesible para todas as persoas. Por iso, axudámosche a reutilizar, reparar, revender e reciclar os teus produtos: deste xeito, poderás aforrar, aproveitar os teus artigos durante máis tempo e reducir os residuos.
Merca, vende e aforra
O que a ti xa non che serve podería ser xusto o que precisa outra persoa: aí está a maxia do mercado de segunda man.
Tanto se queres mercar un moble de segunda man como se prefires vender produtos que xa non utilizas, poderás aforrar cartos, reducir os residuos e seguir a gozar dos deseños IKEA durante máis tempo.
Reparación sinxela para alongar a vida dos produtos
Ás veces, pode que só teñas que axustar os parafusos ou cambiar unha funda, pero noutras ocasións é posible que precises unha pequena peza de reposto ou facer unha sinxela reparación para deixar os teus mobles como novos. Utiliza as nosas guías de mantemento e reparación para alongar a vida útil dos teus produtos IKEA, aforrar cartos e reducir os residuos.
Ideas e consellos para levar unha vida máis sostible
As pequenas accións marcan a diferenza.
Descubre trucos sinxelos para vivir de forma máis sostible con produtos intelixentes, solucións accesibles e hábitos diarios que che axudarán a coidar do teu fogar e do planeta. Porque cada decisión conta.
- Páxina de información do produto
Avanzamos cara a un negocio circular
Estamos a traballar para converter IKEA nun negocio totalmente circular para o ano 2030. Para conseguilo, estamos deseñando e creando produtos que duran máis tempo e consomen menos recursos, con materiais máis respectuosos co medio ambiente.
Transformamos os fogares en espazos máis sostibles grazas a materiais renovables e servizos circulares.
Deseño para o futuro
Ao reinventar os nosos materiais e deseños, creamos produtos que son máis fáciles de reparar, reutilizar e reciclar para que poidas gozar deles durante máis tempo.