Vasos

Vasos especiais para todo tipo de brinde

Os vasos adecuados axudan a cada momento ser máis especial, sexa un simple grolo de auga ou unha mesa para seis. Se buscas algo elegante e minimalista ou detalles máis ocorrentes, a nosa gama de vasos está chea de opcións prácticas para usalos, brindar con eles, empillalos ou lavalos unha e outra vez.

En que se diferencian todos eses estilos?

As bebidas veñen e van, mais os vasos deben aguantar un pouco máis. As principais diferenzas están relacionadas co tamaño, o grosor, a forma e o tacto. Algúns son altos e estreitos, deseñados para alardear dun batido ou dunha refrescante gasosa. Outros son máis baixos e grosos, ideais para zumes, leite ou unha bebida rápida antes de durmir.

Isto é o que encontrarás:

• Vasos de auga de distintas formas e tamaños, ideais para o uso cotián
• Vasos con deseños transparentes que lle ceden o protagonismo á bebida: sinxelos, elegantes e fáciles de combinar
• Opcións coloridas, texturizadas ou con estampados, que lle dan algo máis de personalidade á mesa
• Xogos de catro e seis vasos para anovar os armarios e colocar a mesa máis rapidamente

Como escollo os adecuados para min?

Pensa no que bebes durante o día. Un vaso alto para o teu zume da mañá? Un resistente para o té con xeo? Ao mellor gustas de que todo combine (ou ao mellor non). 

Velaquí tes algunhas cuestións nas que pensar:

• Peso: os vasos lixeiros son fáciles de transportar, mentres que os máis pesados son máis sólidos ao tacto
• Posibilidade de empillar: ideal se tes pouco espazo ou queres que os teus armarios estean en orde
• Capacidade: máis grande non sempre é mellor e, en ocasións, ir sorbendo aos poucos é máis agradable
• Durabilidade: todos os nosos vasos foron sometidos a probas para garantir que son compatibles co uso cotián e a lavalouza