Vaixelas e cubertos infantís

Louza infantil para máis diversión e menos caos

A louza infantil está deseñada para medrar cos máis pequenos e ser testemuña da primeira culler de puré de cenoria e do momento no que empezan a querer facelo todo sós, para alivio das nais e dos pais. Cos seus detalles intelixentes, formas prácticas e deseños de cores, a nosa gama é funcional e alegrará os vosos almorzos, xantares e ceas.

Que debería ter en conta á hora de elixir louza infantil?

A louza para os máis pequenos ten de seguir certos criterios: ten de ser segura, resistente, fácil de limpar e, se for posible, que tamén lles guste aos teus fillos. A nosa gama foi deseñada pensando nas mans máis pequenas e nas mentes con máis imaxinación. Non importa se buscas pezas individuais ou conxuntos completos; aquí encontrarás materiais duradeiros, formas arredondadas e deseños que fomenta a independencia á hora de comer.

Funcións claves que considerar:

• Materiais lixeiros que non rompan, ideais para esas mans que arramplan con todo
• Bordos suaves e formas fáciles de asir
• Compatibilidade con lavalouza e microondas para maior comodidade

Encontrarás pratos infantís lisos ou con divisións para separar os alimentos (cando se poñan máis mexericas) ou servirlles facilmente a súa comida favorita.

Como elixo os cubertos infantís adecuados?

Os cubertos adecuados converten as comidas en momentos de aprendizaxe. Desde os pequenos bocados dos primeiros alimentos sólidos até conxuntos completos, con coitelos, garfos e culleres, todos os nosos cubertos foron deseñados para nenos e nenas gañaren en seguridade na mesa.

• Que é o máis importante:
• Bordos arredondados para maior seguridade e comodidade
• Proporcións pequenas para mans en crecemento

Asas fáciles de coller e difíciles de tirar. Se o teu fillo aínda é pequeno, un conxunto sinxelo de cubertos infantís pode servirlle de axuda para practicar alegremente con formas familiares. Para os e as nenas un pouco máis vellas, os conxuntos de aceiro inoxidable transmiten un chisco máis de madurez coas medidas axeitadas.

Que beneficios ten un conxunto completo?

Os pratos, cuncas, vasos e cubertos a xogo son fermosísimos e axudan a establecer unha rutina e a que os nenos se familiaricen con eles. Un conxunto completo de louza infantil facilita as comidas, xa que os nenos teñen os seus propios utensilios.

Os conxuntos son ideais para:

• Darlle á mesa coherencia e confort
• Manter os armarios en orde
• Preparalo todo rapidamente cando che falta tempo

Ademais, moitos conxuntos son empillables e veñen en cores alegres, polo que son tan fáciles de gardar como de usar. A nosa gama foi deseñada para facilitarche as rutinas diarias e todo o que vén con elas, como manchas, risas e segundas racións, tanto para a casa como para levar de pícnic.