Sets de bistró
Para nós, un "xogo de mesa e cadeiras" é un pequeno conxunto de dúas cadeiras e unha mesa para o xardín, o balcón ou a terraza. Para ti, estamos seguros de que pode ser un lugar estupendo para gozar xuntos dun café, unha fika ou unha comida lixeira. Temos diferentes estilos de xogos de mesa e cadeiras, tanto de madeira como de metal, todos eles aptos para o uso no exterior.
Categorías relacionadas
Deixa oco para un café cos nosos conxuntos de mesas e cadeiras
Os conxuntos de mesas e cadeiras poden transformar o espazo exterior máis pequeno no teu lugar favorito. Cos conxuntos de mesas e cadeiras da nosa gama, deseñados para os momentos cotiáns seren máis especiais, poderás tomar un café mentres apañas o sol da mañá, gozar dunha comida con sobremesa ou ver o solpor en compañía. Temos estilos pregables, cores e materiais para todos os gustos, así que hai opcións para calquera tipo de personalidade e espazo ao aire libre.
Que conxunto encaixa mellor co teu espazo e estilo?
A nosa colección de conxuntos para xardín destaca o uso intelixente do espazo sen sacrificar a comodidade. Nos nosos conxuntos deseñados para balcóns, patios ou xardíns encontrarás opcións coma estas:
- Mesa e 2 cadeiras pregables: fácil de gardar e mover, ideal para espazos flexibles.
- Mesas compactas redondas ou cadradas: perfectas para recunchos estreitos ou para colocalas no centro.
- Estruturas de aluminio lixeiro e aceiro resistente: deseñadas para resistir a intemperie e fáciles de manter.
Podes escoller un estilo minimalista e moderno ou clásico e acolledor, entre moitos outros. Selecciona un conxunto para exteriores de madeira para transmitir un toque cálido e natural ou proba con metal de liñas depuradas en cores como branco, antracita ou marrón claro se prefires algo máis contemporáneo.
Que materiais debería buscar se quero algo duradeiro?
Este tipo de conxuntos sempre están ao aire libre, polo que os materiais son importantes. Todos os conxuntos da nosa gama foron deseñados pensando no uso diario:
- Os conxuntos de madeira, normalmente tinguidos de marrón para maior profundidade e protección, transmiten unha sensación marcada e tradicional. Son perfectos para o teu xardín parecer o dunha casa de campo.
- O metal con revestimento en po resiste o óxido e é fácil de manter, polo que é perfecto se buscas algo vistoso e duradeiro.
- Algúns conxuntos combinan madeira e metal para ofreceren recollemento e resistencia.
Sexa cal for o material que prefiras, encontrarás deseños intelixentes que combinan elegancia e resistencia e que soportarán tanto treboadas como días de sol.
Como podo aproveitar ao máximo o meu conxunto de mesa e cadeiras de exterior durante todo o ano?
Pensa nel como se fose unha extensión do teu espazo interior. Engade ou quita accesorios en función da época do ano:
- Coloca coxíns para facelo máis cómodo e darlle aínda máis cor.
- Combínao cun parasol ou con lámpadas solares para crear ambiente pola noite.
- Recólleo facilmente durante os meses de frío ou gárdao dentro cando non o utilices.
Non importa se queres tomar tranquilamente o teu café da mañá ou pasar horas a parolar: os nosos conxuntos de mesas e cadeiras son funcionais e alegrarán os teus momentos ao aire libre, independentemente do tamaño do teu espazo.