Pulverizadores e regaderas

Regadeiras que non só regan

Coidar ben das plantas é máis doado do que pensas e coa regadeira adecuada até pode resultar divertido. Para cultivar herbas aromáticas no peitoril da xanela ou para manter vivas as túas plantas en calquera estancia, as nosas regadeiras están deseñadas para facelo facilmente, con estilo e co toque de elegancia xusto.

Que tipo de regadeira é a adecuada para a miña casa?

Todo depende de que vaias regar e onde. Para as plantas de interior, unha regadeira máis pequena cun bico longo facilita o control e axuda a chegar debaixo das follas e aos testos estreitos. Se tes testos no balcón ou de maior tamaño, escolle algo cun chisco máis de capacidade para evitar ter que enchela constantemente.

A nosa gama inclúe o seguinte:

• Elegantes regadeiras de cor verde escura ou azul escura que tamén actúan como enfeites
• Opcións de metal galvanizado de aspecto único e duradeiro
• Modelos compactos con bico fino para regar con precisión
• Unha combinación de floreiro e regadeira que acompaña o teu estante cando non se usa

Pode unha regadeira ser práctica e elegante? 

Por suposto. A funcionalidade non ten por que ser aburrida. Moitas das nosas regadeiras están deseñadas para estar á vista, nun estante, no peitoril dunha xanela ou nun soporte para plantas, polo que non é necesario agochalas. Coas súas liñas limpas e acabados atrevidos, intégranse no teu fogar coa mesma naturalidade que as propias plantas.

Busca detalles únicos como:

• Combinacións de cores marfil e dourado, que transmiten intimidade e encanto
• Asas lisas e curvas para levala comodamente
• Bicos equilibrados para verte sen derramar nada

Non son só ferramentas: forman parte do estilo de vida de calquera amante das plantas.

Que acontece se esquezo regar?

Non te preocupes. Se es desas persoas que esquecen regar as plantas (non te xulgamos), o noso accesorio de rega automático é un complemento intelixente para coidar das túas plantas con total tranquilidade. Mantén a terra húmida desde abaixo para as túas plantas conservaren a hidratación mesmo cando non dás feito.

Combinar unha regadeira elegante cun accesorio de rega automática ofréceche o mellor de ambos os mundos: podes intervir cando queiras e deixalo todo en mans do sistema cando o precises.

Non importa as plantas que teñas (suculentas pequenas, plantas grandes e frondosas ou unha auténtica selva): esta solución de rega adáptase ao teu ritmo, ao teu espazo e ao teu estilo.