Saltar
Ir á lista de produtos

Espellos

Os espellos non só se usan para ver como está o teu cabelo. A forma e o marco poden facelos moi decorativos. Coloque un espello de parede grande ou varios pequenos espellos redondos xuntos para que os espazos parezan máis grandes e luminosos. 

Amplitude para o teu fogar decorando con espellos

Se decoras un cuarto con espellos, achegarás vida e profundidade. Os espellos LINDBYN teñen un deseño delicado, depurado e elegante que encaixará en calquera estancia.

Velaquí todos os espellos de parede
Unha mesa para portátil VITTSJÖ en negro-marrón e vidro nun recibidor xunto a un moble de caixóns con rodas HELMER negro e un espello diante.
Un espello LINDBYN negro xunto a unha porta de entrada aberta e dous zapateiros BISSA con varias plantas artificiais FEJKA enriba.
Velaquí todos os espellos de parede

Espellos de corpo enteiro que reflicten o teu estilo

Ademais de ser fundamentais para axudarche a elixir o modeliño perfecto, os espellos de corpo enteiro fan brillar calquera cuarto. Independentemente do espazo que teñas, seguro que contamos cun espello capaz de reflectir a túa personalidade.

Velaquí todos os espellos grandes
Un dormitorio cun espello LILJETRÄD alto e estreito de cor negra na parede, unha lámpada branca, un armario branco e unha cama gris.
Un espello HOVET grande cun marco negro; nel reflíctese unha barra para roupa con varias pezas. Tamén hai un armario gris, libros e material de ximnasia en tons pastel.
Velaquí todos os espellos grandes

Un espello de conto na parede

Algo divertido sobre os espellos: ademais da súa utilidade, poden crear unha sensación de profundidade en cuartos pequenos e iluminar as esquinas escuras ao reflectir a luz. Busca un para complementar o cuarto ou para crear ambiente por si só.

Velaquí todos os espellos de parede
A esquina dun dormitorio de estilo bohemio cun espello de ratán na parede, estantes EKENABBEN abertos e plantas colgantes.
Un espello TOFTBYN negro, un floreiro cunha poliña seca, unha caixa pequena con almacenaxe e accesorios sobre un aparador branco.
Velaquí todos os espellos de parede

Din que os ollos son o espello da alma. E que pasa cos espellos? Que revelan? Aínda que non poidan dicir nada da túa alma (tan só o ben que te ves hoxe), constitúen un detalle de deseño moi revelador!

Os espellos cambian a percepción do espazo e a luz nos cuartos. O reflexo intensifica o brillo de calquera fonte de luz e achega profundidade e movemento ás superficies planas e inmóbiles. Ademais de conseguir máis luminosidade e amplitude, darache a sensación de que o cuarto é máis grande do que realmente é. Este efecto virache moi ben en espazos pequenos, como o recibidor o un corredor estreito.

Problemas de espazo? Confía nun espello de mesa

Os problemas de espazo son un continuo cando tes unha familia grande, unha vivenda pequena ou ámbalas dúas. A pesar disto, segues necesitando amañarte para afrontar o día cun bo aspecto. Pero que podes facer cando o baño está ocupado, os nenos están xogando no recibidor e a túa media laranxa está durmindo a sesta no dormitorio? Coller un espello de mesa!

Estes espellos quedan ideais sobre unha mesa, un escritorio ou calquera outra superficie sólida e plana. Son o suficientemente pequenos para levar dun lado a outro e o suficientemente grandes para peitearse, maquillarse e probarse complementos.

Se tes un pouco de espazo, podes probar a colocar un espello enriba do toucador. Ademais de quedar precioso sobre a súa superficie, darache unha nova perspectiva da túa marabillosa figura e resultarache máis doado acertar co conxunto!

Espelliño, espelliño da parede (ou chan)…

Quen é a persoa máis bonitiña? Ti, por suposto! Mais cun espello pequeno é difícil asegurarse. Especialmente cando queres saber se as zapatillas conxuntan cos vaqueiros ou se as mallas teñen carreiras ou buratos.

Nestes casos, precisas un espello máis grande. Se pode ser, un de corpo enteiro no que poidas verte dende todos os ángulos, como un espello de parede ou un de pé.

Un espello de pé tamén che ofrece un espazo moi práctico para gardar a roupa. Só tes que colocala sobre o estante que agocha na parte de atrás. Así, poderás poñela de novo ao día seguinte, xa que estará como nova. Ademais, é unha boa forma de librarse da montaña de roupa que non deixa de medrar sobre a cadeira. Xa sabes de cal estamos a falar…