Cadeiras de comedor de exterior

Conforme chega a época máis cálida do ano, é o momento de organizar o noso espazo ao aire libre. Temos que limpar e varrer as follas e a sucidade. Plantamos herbas e arranxamos as plantas. E decoramos con cadeiras e bancos de exterior para relaxarnos e gozar do noso pequeno oasis.

Cadeiras e bancos de exterior para cada ocasión

Atopar as cadeiras e os bancos axeitados depende do teu espazo exterior e de como queiras usalo. Sigue lendo para obter máis información sobre a nosa selección e os usos que podes darlle.

As cadeiras de comedor pregables e amontoables para o exterior son versátiles. 

Se tes un patio espazoso, é probable que busques flexibilidade nos asentos. Se adoitas ter moitos convidados, pode que necesites moitos. Aínda que sempre apetece contar con espazo adicional para tomar o sol ou xogar no céspede. 

Varias das nosas cadeiras de exterior son pregables e encastelables. Isto permíteche reorganizalas con facilidade se vas convidar a un grupo de amigos. Estas cadeiras pregables tamén son unha grande opción se tes un xardín ou balcón máis pequeno, posto que podes gardalas cando necesites espazo para outras actividades. 

Cadeiras de exterior para relaxarte

Se queres crear un espazo ao aire libre para relaxarte e gozar, bota unha ollada ás nosas cadeiras de exterior con respaldos axustables. Son ideais para sentar a conversar e despois recostarte para tomar o sol. 

Non perdas tampouco as nosas cadeiras de exterior con deseño de cadeira de brazos. Son xeniais para crear unha zona de relax acolledora ou un espazo de lectura á sombra. 

Bancos para gozar do teu espazo ao aire libre

Un banco podería ser un complemento perfecto para as túas cadeiras de xardín. Podes colocar o banco xunto a unha sebe ou debaixo dunha árbore para sentar e contemplar as flores. Un banco tamén pode ser unha alternativa a un sofá ou conxunto de mesa e cadeiras de exterior, posto que permite aforrar espazo. Colócao na esquina do patio xunto a unha pequena mesa para relaxarte e gozar do teu café pola mañá. 

Ademais de sentar nel, podes dar renda solta á túa creatividade e incorporalo á decoración. Os bancos pódense usar como un estante de exterior decorado con adornos de xardín. Tamén podes escoller un banco sen respaldo e utilizalo como horta se engades algúns testos de herbas e verduras. Colócao á beira da grella para ter á man as herbas. Ou pono a carón da entrada para coller un pouco de pirixel ou espinacas e cociñalas dentro. 

Coidado das túas cadeiras e bancos de xardín

Para que as cadeiras e os bancos duren moito tempo, é importante coidalos da forma correcta. Os diferentes materiais precisan distintos niveis de mantemento; por exemplo, a madeira require máis coidados que o plástico ou o metal. 

Recomendámosche vernizar os bancos e as cadeiras de exterior de madeira unha ou dúas veces ao ano. Isto evitará que sequen e se greten cando a humidade penetre na madeira.

Tamén é importante manter as cadeiras e os bancos limpos. Límpaos cun pano húmido e xabón suave para evitar que se acumule sucidade ou mofo. 

Por último, é importante protexer os teus mobles das inclemencias do tempo. Na época máis fría do ano, o mellor é gardar os mobles no garaxe ou soto. Se os vas deixar ao aire libre, cúbreos con algo, como unha funda impermeable para mobles de xardín.