Botella de auga e cuncas de viaxe

Botellas de auga e cuncas de viaxe que irán contigo a todas partes

Cando vas ao traballo pola mañá, riscas tarefas da túa listaxe de cousas por facer ou cando saes a pasear, hidratarte (ou tomar cafeína) é moito máis sinxelo coa botella ou cunca adecuadas. A nosa gama de botellas de auga e cuncas de viaxe foi deseñada para ir contigo nos teus desprazamentos, xa que conserva a temperatura adecuada das bebidas e con ela poderás refrescarte na hora do almorzo e na cea.

Que tipo de botella de auga se adapta mellor ao meu día a día?

A túa botella debe adecuarse tanto ao teu estilo de vida como á túa mochila ou bolso. Temos opcións funcionais, reutilizables e prontas para levar, tanto de estilo minimalista como cun estilo con máis cores.

• As botellas de auga de aceiro inoxidable son duradeiras e elegantes, ideais para o día a día. Moitas tamén están illadas, para así manteren as bebidas frías durante máis horas.
• As botellas de auga de cristal son ideais para a casa, a oficina ou os días máis tranquilos. Non alteran o sabor, son fáciles de limpar e teñen un acabado suave que se adapta perfectamente á man.
• As opcións de plástico lixeiro son ideais para nenos e para levalas a adestrar ou cando vaias facer recados: resistentes para o día a día e suficientemente lixeiras para calquera bolso.

Moitos deseños teñen aperturas amplas para enchelas e limpalas facilmente, mentres que outros teñen pallas incorporadas ou tapas abatibles para beber mentres te desprazas.

Como facilitan a vida as cuncas de viaxe?

As cuncas de viaxe son as grandes aliadas de quen toma café e té a diario. Imaxina que tes présa por coller o tren ou que che apetece tomar unha infusión mentres dás un paseo: manterán as túas bebidas quentes sen derramar nada nin queimar os dedos.

As nosas cuncas de viaxe con illamento ofrecen detalles enxeñosos como:

• Estrutura de parede dobre para manter a temperatura
• Tapas a proba de fugas para transportalas sen preocupacións
• Bases estreitas que collen en portavasos ou petos laterais de mochilas

Ademais, veñen en diferentes tamaños e estilos para que poidas preparar a cantidade xusta de café ou té sen ter que levar máis do necesario.

Que cómpre ter en conta á hora de escoller?

Pensa en como e onde as usarás máis. Pregúntate isto:

• Quérela para tomar bebidas quentes a diario ou para transportar auga fría?
• Prefires algo lixeiro e minimalista ou que manteña as bebidas quentes durante horas?
• Precisas algo fácil de limpar e de volver a encher?

Moitas das nosas botellas e cuncas pódense lavar na lavalouza, non conteñen BPA e están deseñadas para usar unha e outra vez, o que é bo tanto para a túa rutina como para o planeta. Se buscas unha opción de aceiro inoxidable que resista os golpes do día a día ou unha botella de cristal que quede ben no teu escritorio, encontrarás algo que se adapte ao teu ritmo e aos teus gustos.