Almofadas

Atopa as almofadas perfectas para a túa cama Unha das eleccións máis importantes para durmir ben é a almofada. A algunhas persoas gústalles unha almofada alta e branda, mentres que outras a prefiren máis plana e firme. Sexa cal sexa o teu tipo de almofada favorito e a túa postura á hora de durmir, atoparás unha que te axude a descansar a túa fatigada cabeza na nosa ampla gama de almofadas. 

Almofadas brandas, almofadas firmes: esa é a cuestión

Ao escoller a firmeza e o material para as túas almofadas, debes reparar en dúas cousas importantes: Como adoitas durmir? Como che gusta? E que che gusta?

A primeira consideración respecto a como adoitas durmir axudarate a descartar opcións. Se dormes de lado e boca arriba, por exemplo, unha almofada máis alta e firme pode ser unha boa elección. Se prefires durmir boca abaixo, unha almofada máis plana pode ser unha elección máis acertada, posto que che permite aliñar mellor a cabeza, o pescozo e a columna.

Tamén temos almofadas ergonómicas pensadas especialmente para persoas que dormen de lado e boca arriba. Se non probaches unha almofada ergonómica de escuma viscoelástica, podería revolucionar a túa forma de durmir. Adáptanse á forma da túa cabeza e pescozo coa axuda da túa temperatura corporal.

E iso lévanos á última consideración. Sexa o que sexa que nós ou alguén máis escribamos ou recomendemos, a elección final é cuestión de preferencias persoais. Que almofada che resulta axeitada e cómoda? As almofadas que máis che gusten tamén serán as almofadas que te axuden a durmir mellor.

Almofadas de distintos materiais

Temos almofadas con fundas de distintos materiais e con recheos distintos. Os distintos materiais dan ás almofadas características distintas. Algúns son máis brandos, outros adáptanse, algúns transpiran moi ben, outros absorben a humidade de maneira eficaz. Le ben a descrición de cada almofada para escoller o material que mellor se adapte ás túas necesidades. E lembra que tamén temos materiais sostibles que respectan o medio, o cal pode axudarte a durmir mellor cunha conciencia máis limpa.