Empeza a volta ás clases desde cero

Comeza a túa aventura universitaria da mellor maneira, tanto se te mudas a unha residencia de estudantes como se é o teu primeiro apartamento. Algunhas cousas non cambian: un espazo de estudo cómodo, unha cama acolledora, solucións de almacenaxe prácticas e varias solucións para manter a concentración á hora de estudar. Bota unha ollada a algúns produtos básicos e inspírate para preparar as túas cousas para a universidade.

Dúas estudantes falando sentadas nunha cama. Hai un puf SLÄKT diante cunha bandexa con aperitivos e auga.

Catro kits para volver comezar

Na universidade, todo son primeiras veces: a primeira cea cos teus compis de piso, as túas primeiras lentellas comestibles ou a decoración do teu cuarto de cero. Estes kits teñen o básico (e o non tan básico) para que te sintas como na casa, aínda que esteas lonxe dela.

Saltar a listaxe

Kit de artigos esenciais para cociñar e comer

Este kit ten xusto o que precisas para que a túa cociña non dea preguiza: utensilios prácticos, pratos que dan ganas de usar e ese toque feitiño que fai que ata a friameira semelle gourmet. Cociñar para ti tamén é coidarse (e si, conta como plan).

Kit de artigos esenciais para o escritorio

Volve o "abrir o portátil", pero, polo menos, poderás facelo nun escritorio que che inspire. Este kit achega orde ao caos sen perder o estilo: iluminación agradable, accesorios útiles e as "vibes" perfectas para comezar a xornada.

Kit de artigos esenciais para o dormitorio

Sabémolo: durmir é moi bo plan. Pero durmir ben, nun espazo que che inspire e que reflicta quen es, está a outro nivel. Este kit axúdache a crear un refuxio con estilo, cor e a comodidade que de verdade mereces.

Kit de artigos esenciais de decoración

Este kit é para quen decora sen medo: contrastes que falan, estampados con carácter e detalles que berran "aquí vive alguén que se atreve con todo". Un reflexo do que pensas, o que sentes e do lugar que estás a construír.

Unha oportunidade de altura

Decide como queres estudar. A cadeira xiratoria LOBERGET será a túa mellor aliada para as sesións de estudo intensas. Tamén podes empezar o día estudando de pé cun soporte para portátil DUBBLA no teu escritorio. Estudar será moito máis ameno se podes cambiar de postura e poñerte de pé, sentar doadamente ou mesmo bailar un pouco mentres escribes unha redacción.

Unha persoa vestida de marrón sentada nunha cadeira xiratoria LOBERGET branca á beira dun escritorio branco con plantas verdes ao lado dunha fiestra.

Unha persoa de pé estudando á beira dun soporte para portátil DUBBLA laranxa cun portátil colocado sobre un escritorio branco con varios libros.

“Nas residencias de estudantes, ás veces fai bastante frío, así que me encanta taparme cunha manta quentiña, sobre todo se teño que estudar toda a noite.”

LouiseEstudante de económicas

Unha persoa sentada nunha cadeira de brazos branca de reixa tapada cunha manta KLIPPOXEL laranxa nun cuarto branco con obxectos de cores.

Un escritorio ordenado: o espazo de traballo ideal

Ten todo o material de estudo á man e perfectamente organizado en taboleiros perforados SKÅDIS. Cunha gran variedade de accesorios SKÅDIS coloridos e prácticos, como pinzas, cestas e ganchos, podes personalizar o taboleiro para adaptalo ao teu material de estudo favorito.

Unha persoa nunha cadeira de escritorio mirando a unha parede con taboleiros perforados SKÅDIS con accesorios, varios bosquexos pendurados e outros obxectos.

Un taboleiro perforado independente SKÅDIS con pinzas e cestas verdes nun extremo dun escritorio diante dunha fiestra.

Empeza por algo que dure

Elixe mobles que non acaben cansándote. O sistema IVAR é moi duradeiro e poderás levalo facilmente en caso de mudarte. Cunha man de pintura, os teus mobles volverán quedar como novos. A mesa pregable é versátil e adáptase ás túas necesidades, xa que é perfecta para celebrar unha festa, estudar ou comer.

Un adolescente estudando á beira dunha mesa pregable IVAR de madeira de piñeiro fixada a un estante IVAR con varios obxectos en branco e negro.

Unha persoa colocando unha caixa de almacenaxe RÄTTAREN de lunares en branco e negro nun estante IVAR de madeira de piñeiro con decoración negra.

Dous armarios IVAR de madeira de piñeiro con portas corredizas á beira dunha mesa auxiliar. Os armarios conteñen adornos e unha lámpada na parte de enriba.

Dous andeis de parede IVAR de madeira de piñeiro con caixas de almacenaxe negras e outros obxectos colocados enriba duns armarios IVAR con portas corredizas.

Unha mesa pregable IVAR, usada como escritorio, fixada a un estante IVAR, todo de madeira de piñeiro, á beira dunha cadeira de escritorio negra.

Empeza o día con ritmo

Escoita as túas cancións favoritas cun altofalante Bluetooth NATTBAD. Con isto e cun ximnasio propio na casa, poderás empezar o día coa máxima enerxía.

Altofalante Bluetooth NATTBAD negro, cunha forma redondeada e dous botóns diante, enriba dun armario de madeira de piñeiro.

Un altofalante Bluetooth NATTBAD negro, cunha forma redondeada, sobre un banco de madeira de piñeiro; no banco hai unha persoa sentada levantando pesas.

Fai un máster de cociña

Que teñas pouco espazo non significa que non poidas comer ben. A cociña modular ÄSPINGE é unha solución personalizable, compacta e independente, ideal para perfeccionar as túas dotes culinarias e cargar as pilas para as túas sesións nocturnas de estudo, comida a comida.

Unha cociña modular ÄSPINGE independente en negro/freixo nun piso de estudantes onde predomina o verde.