- Egiaztatutako pisua: 110 kg
STYRSPEL joko-aulkiari esker, maila onenean jokatuko duzu beti. Egokitu buru-euskarria, gerrialdeko euskarria, beso-euskarriak eta eserlekuaren altuera eta sakonera; sarezko materialak fresko mantenduko zaitu jokoa berotzen denean.
Produktuaren xehetasunak
Sarez egindako bizkarraldeak aireari igarotzen uzten dio eta bereziki atsegina da partida luzatzen denerako.
Aulki honek euskarri erosoa eskaintzen die besoei, eta murriztu egiten du lepoko eta sorbaldetako tentsioa; izan ere, beso-euskarriak gora eta behera, aurrera eta atzera eta barrura doi daitezke.
Beso-euskarriak bizkarraldeari lotuta daude, eta, beraz, batera etzaten dira, hainbat jarduera burutzen laguntzeko (adibidez, mugikorrarekin jokatzeko).
Aulkiaren altuera doi daiteke; horrela, erabateko erosotasuna eskaintzen du.
Eserlekuaren eta bizkarraldearen inklinazioa zure gorputzaren mugimenduei jarraitzeko sinkronizatuta dago eta aulkiari posizio egokia emango dio.
Bizkarralde altuaren diseinuak euskarri sendo eta erosoa ematen die gorputzari, lepoari eta buruari.
Buru-euskarriaren altuera doi dezakezu lepoa ondo eutsita izateko jokoetan aritu bitartean edo jokaldi artean erlaxatzean.
Zure bizkarrak behar duen euskarria jasoko du, eserlekuaren sakonera doitu egin daitekeelako.
Gerrialdeko euskarria egoki dezakezu, bai zuri bai zure beharrei egokitzeko.
Segurtasun-gurpilen balaztatze-mekanismoari esker, aulkia ez da lekutik mugituko zutik zaudenean, eta desaktibatu egingo da esertzen zarenean.
Oinarriak mugimenduari nahiz egonkortasunari laguntzen dio, eta oin-euskarri gisa ere funtzionatzen du.
David Wahl
Neurketak
- Egiaztatutako pisua: 110 kg
- Zabalera: 71 cm
- Sakonera: 69 cm
- Gehienezko altuera: 142 cm
- Gutxieneko altuera: 119 cm
- Eserlekuaren zabalera: 50 cm
- Eserlekuaren sakonera: 47 cm
- Eserlekuaren gehienezko altuera: 59 cm
- Eserlekuaren gutxieneko altuera: 48 cm
- Geh. beso-euskarriaren altuera: 81 cm
- Gutx. beso-euskarriaren altuera: 65 cm
- Geh. buru-euskarriaren altuera: 142 cm
- Gutx. buru-euskarriaren altuera: 118 cm
Bezeroen iritziak
Honentzako osagarriak: STYRSPEL
Arakatu eskura dituzun aukerak
Probatu birtualki altzariak eta dekorazioa erosi aurretik zure etxerako konbinazio perfektua aurkitzeko.


Igo mailaz hardware egokiarekin
Bideojokoak lanbide bat dira milaka pertsonentzat, eta zaletasun bat milioika pertsonentzat. Mundu osoko jokalariak lotzen dituen gauza bat kirol elektronikoekiko zaletasuna eta pantailan agertzen diren erronkak dira. Eta egia esatekotan, baita eserita orduak eramatea eta gihar-mina izatea ere batzuetan. STYRSPEL-ekin zure jarrera hobetu dezakezu, eta maila berrietara iristeko zein marka pertsonalak hasuteko behar duzun guztia lor dezakezu.
“Jokalaria ez bazara ere, ziur asko baden norbait ezagutuko duzu; bat dago ia familia guztietan”, dio Ola Kristensson produktu-garatzaileak. “Merkatuko joko-aulki askok auto-lasterketa bateko aulkiak dirudite, baina zerbait desberdina egin nahi genuen; IKEA-ren nortasuna izatea nahi genuen, horrek dakarren guztiarekin”.
Funtzionalitatez eta erosotasunez betea
“STYRSPEL-ekin, gure ustez ohiko joko-ahulkiei falta zaizkien itxura eta funtzonalitatea lortzen dituzu”, dio. Bizkarraldea eta ohiz baino zabalagoa den eserlekua bateragarriak dira pantailaren aurrean erosotasuna balioesten duen edonorentzat. Nork ez luke hori nahiko? “Sare-ehun erresistente bat erabiltzen ari gara betegarriaren ordez. Efektu fresko atsegina ematen du ordu askoz eserita zaudenerako eta merkatuko beste sare-ehunen aldean sentsazio leunagoa eskaintzen du. Era berean, aulkia nola doitu behar den intuitiboa izan dadin saiatu gara jarrera erosoa erraz lortzeko, nola eseri nahi duzun edo zein gorputz mota duzun kontuan hartu gabe”.
Doitu zure jokoaren arabera
STYRSPEL-ek bereziki jokalarientzat garatutako beste funtzio batzuk ere baditu, baina beste edonork ere hauteman ditzake; hala nola bira daitezkeen beso-euskarriak. “Distantzia ezberdina behar duzu ukondoen artean kontsolan, ordenagailuan edo mugikor batean jokatzen ari zaren arabera. STYRSPEL-ekin zure jarrera hobetu eta lasai eseri zaitezke, jolasteko gailua edozein dela ere”. Hainbat ezaugarri dituen aulkia da, eta puntuazio altuagoak eta joko-esperientzia hobeak lortzen lagun dezake. Eta hori ere albiste ona da jokalari batekin bizi den edonorentzat, agian, tarteka, aulki eroso bat behar baitu.
Produktuaren atzeko ideia
Produktuaren atzeko ideia
"STYRSPEL-ekin asmoa jokoetarako aulki espezifiko bat diseinatzea zen eta, aldi berean, IKEA-k etxeko altzarietan zituen ezagutza zabalak aprobetxatzea. Erakargarria izan behar zuen, baina partida luzatzen denerako beharrezkoak diren ezaugarri eta ergonomia guztiekin. Diseinua ordenagailu bidezko 3Dko grafikoetan askotan erabiltzen diren alanbre-estanpatuetan oinarritzen da. Espero dut adin guztietako jokalariei aulkia gustatuko zaiela eta urte askoan erabiltzea".