Lorezaintza

Zer egin dezakezu etxe barruko landareak zure etxearen parte izan daitezen?

IKEA-ko loreontzi-euskarriak erabili edozein aire zabaleko edo etxe barruko guneri bizia emateko. Loreontzi-euskarri egokia erabiliz, zure etxeari freskura, bizitasuna eta usain gozo naturala emango dizkiozu. Lorategirako loreontzi-euskarriak erabili zure balkoiari kolore-ukitua gehitzeko edo zure patioa apaintzeko. Zer deritzozu leiho-ertza landare zukutsuz betetzeari? Loreak apaintzeko erabiltzea inoiz ez da ideia txarra. Zure landarerik gustukoena goretsi gure loreontzi eta loreontzi-euskarri dotoreei esker.  

Gure landare gehienak loreontzietan datozenez, dekorazio-loreontzi handiago batera edo jardinera batera erraz lekualdatu ditzakezu. Barazkiak eta landare freskoak gogoko badituzu, zer deritzozu gure laborantzarako kiten bat zure sukaldean bertan erabiltzeari? Ez ahaztu ureztailua! Eta landareak zaintzeko dohainik ez baduzu, zure etxeko edozein gelan jar ditzakezun xehetasun handiz egindako landare artifizialak ditugu eskuragarri.

Loreontzi edo loreontzi-euskarrietan nola landatu

Lehenengo urratsa landarea prestatzea da. Plastikozko loreontzia landarearen oinarritik kentzeko, tira egin edo loreontzia moztu. Ondoren, landarearen sustraiak kontu handiz deskorapilatu, bere etxe berrian errazago adarkatu ahal izateko.

Bigarrenik, lurra eta loreontzia edo loreontzi-euskarria prestatu behar dira. Loreontzi-euskarri handia baduzu, drainatze-zuloaren gainean harriak edo terrakota pusketak jarri. Horrela, lurra ez da ihaurriko. Loreontziaren behealdean zehar lur-geruza bat isuri eta konpost pixka bat gehitu lurra gehiago elikatzeko.

Orain landatu dezakezu. Landarea loreontzian jarri eta lurrez inguratu. Ziurtatu lurraren eta loreontziaren goiko ertzaren artean 2,5 cm inguruko tartea uzten duzula. Landarea ureztatu hura sartu eta lurra jarri bezain laster. Horrela, lurrean dauden aire-poltsak finkatu egingo dira. Behar izanez gero, konpost gehiago jarri loreontziaren goiko aldean.

Etxe barruko landareek airea garbitzen al dute?

Landareek zure etxea alaitzen dute, baina airea araztu ahal izateko makina bat landare behar da. Landareek gasak xurgatzen dituzte eta oxigenoa sortzen dute, baina milaka etxe barruko landare beharko zenituzke efektu kuantifikagarria sortzeko. Hots, barrualdeko airearen kalitatearen hobekuntza ezin da landare baten menpe egon.

Gure etxeetako landareek gure osasuna beste era batean hobetzen dute. Landareek ingurua gaztetzen duen ukitu freskagarria gehitzen dute. Haien lurrina erlaxagarria izateaz gain, loreak eta landareak begi-bistan izateak gure gogo-aldartea hobetu dezake.