Elikagaien xahutzearen aurkako borrokalaria
Nureen aditua da elikagaiak kontserbatzen. Feed Me Good ekimenaren sortzailea da, eta elikagaien kontserbazioaren artean beste pertsona batzuk trebatzeaz arduratzen da, hondakinen murrizketa xede nagusi hartuta. Biltegiratze-soluzio berritzaileen bidez, Nureenek elikagaien xahutzea ekiditea du helburu.
Nureenen estrategia nagusien artean, mota guztietako janarien bizitza luzatzeko biltegiratze-teknika adimendunak nabarmentzen dira. Nureenek poto eta ontzi mordoa du edozein elikagai kontserbatzeko (besteak beste, ozpinetako luzokerrak edo belar freskoak).
Kontserbatu elikagaiak planeta salbatzen laguntzeko
Kontserbak ondo antolatzeko, Nureenek etxea apaintzeko hainbat soluzio erabiltzen ditu. Adibidez, ENHET hormarako apalategiek leku ezin hobea eskaintzen dute potoak eta botilak dotoretasunez gordetzeko; KORKEN potoak, berriz, oso praktikoak dira etxean prestatutako elikagaiak kontserbatzeko.
Baina Nureenen asmamena horretaz harago doa. KORKEN ontziak ere erabiltzen ditu tipulak uretan sartzeko eta sustraien hazkundea sustatzeko; horrela, denbora luzeagoan egoten dira fresko.
Era berean, Nureenek badaki nola saihestu fruta eta barazki freskoak laster heltzea eta hondatzea. Horretarako, KNAGGLIG zurezko kaxetan gordetzen ditu elikagaiak, airea inguruan ibil dadin. Horrela, etilenoaren askapena atzeratzen da, eta jangaien iraupena luzatzen.
Biltegiratze-soluzio berritzaile hauei eta beste batzuei esker, Nureenek dirua aurrezteko, elikagaiak ez xahutzeko eta autosufiziente izateko behar duen guztia du eskura. Jarraitu bere aholkuei eta ikasi janaria kontserbatzen profesionalen moduko emaitzekin.
