Nola muntatu idazmahai-eremu bat zure logelan?

Lanaren eta atsedenaren arteko bereizketa ezartzeko, ezkutatu idazmahaia gortina baten atzean edo armairu bateko atearen atzean. Horrela, erraztasun osoz sor dezakezu lasaitasun-oasi bat. Errezeletarako errail bat edo ate lerragarriak jarri baino ez duzu ezkutatu nahi duzun eremuaren aurrean. Eta errezelak leihoak ere estaltzen baditu, are hobeto.

Idazmahai-eremua estaltzeari esker, gelaren gainerako eremuari itxura garbiagoa eman diezaiokezu. Idazmahai-eremuaren inguruan biltegiratze irekia eta itxia konbinatzeari esker, gortinaren atzeko espazioa txukun mantenduko da.

Idazmahaia errezel baten atzean ezkutatu nahi ez baduzu, gainerako logelarekin integra dezakezu; eta, horretarako, lehendik dituzun altzariekin ederki ematen duen idazmahai bat aukeratu behar duzu. Horrek giro arin eta lasaiagoa emango dio zure idazmahai-eremuari, eta beti izango duzu erabiltzeko prest dagoen espazio bat ideia bat idatzi edo egiteke dagoen zerbait amaitu behar duzunerako. Konbinatu ondo ematen duten biltegiratze-soluzioekin funtzionaltasuna sustatzeko (estiloa kaltetu gabe). Era berean, aukera bikaina da apain-mahai gisa erabil daitekeen idazmahaiaren bila bazabiltza.

Idazmahaia logelan begien bistan badago, oholaren gainean dagoen guztia txukun mantendu behar izateaz gain, haren inguruko guztia ere antolatu behar duzu. Izan ere, hori da lasaitasun-sentsazioa lortzeko modu bakarra. Aukeratu idazmahaiaren eta gela osoaren estiloarekin ondo ematen duten osagarriak itxura orokorra bateratzeko. Antolatzaile txikiei eta tonu naturaleko artxibategiei esker, lasaitasuna igorriko duen idazmahai eroso bat sor dezakezu.

Idazmahaiaren inguruko kableek ez dute zertan nahasita egon Gure idazmahaien diseinuek kableak antolatzeko sistemak barne hartzen dituzte, eta osagarri moderno eta erabilgarriak ere eskaintzen ditugu, hala nola konexio-blokeak, kaxak, erretiluak eta kableak antolatzeko klipak.

Badakizu zer zeregini buruz ari garen: planifikazioa behar duten, kalkulu-orri pare bat eskatzen duten, edo –besterik gabe– aspergarri samarrak diren horiek. Zeregin horiek egiten lagundu ezin badizugu ere, horiek burutzeko prozesuari erosotasun-ukitua gehi diezaiokegu. Hona hemen eremuka banatutako idazmahaia, zereginari ekiteko behar duzun arreta eskainiko dizun pantaila batekin.

Eremuak mugatzea oso erraza izan daiteke, eta, horretarako, idazmahaian pantaila independente bat jarri edo pantaila integratu bat jada baduen idazmahai bat aukeratu baino ez duzu. Beste aukera bat da idazmahaia bazter batean edo horma baten kontra jartzea. Horrela, eremua markatuko duzu, distrakzioak atzean uzten dituzun bitartean. Aukeratu lanerako lanpara on bat dena behar bezala ikusteko, eta gorde funtsezko gaiak eskura izateko moduan. Orain, ez duzu zereginak atzeratzen jarraitzeko aitzakiarik.

Idazmahaiak igortzen duen erosotasuna, funtsean, bi gauzaren mende dago: jarrera eta argiztapena. Garrantzitsuena eroso egotea da, bai eserita, bai zutik zaudenean. GLADHÖJDEN zutik egoteko idazmahaiari esker, palanka bat ukitu besterik ez duzu jarrera aukeratzeko. Horrek gorputza mugitu ahal izatea ahalbidetuko dizu idazmahaian zauden bitartean, eta, horrela, zure mugikortasuna eta arreta hobetuko dituzu. Eserita zaudenerako, eskuragarri ditugun aulki pilo baten artean aukeratu ahal izango duzu, zeinek –oso erosoak izateaz gain– logelaren gainerako gaiekin primeran emango duten.

Erabili mahai-lanparak edo fokuak idazmahaian behar duzun argi guztia izateko, eta egokitu gelako beste eremuen giroa gainerako zereginetarako. Emaiozu azken ukitua argi gehigarriekin, hala nola mugikorrerako euskarria duen LÅNESPELARE argi-aroa, ezin hobea bideodeietarako eta sare sozialetan edukia partekatzeko.