Saltatu
EU ESeuskara

Hotel baten logelako hormak apaintzeko bost ideia

Zure hotelaren estiloa indartu nahi duzu? Aprobetxatu hormak nahi duzun guztia transmititzeko. Zerotik hasten bazara (hormekin erabat biluzik), edo lehendik dagoen oinarri bat eraberritu nahi baduzu, hotel bateko gelen hormak apaintzeko ideia hauek gela-zerbitzua bezalakoak dira: behar duzunean erabili ahal izango dituzu.

Ondo egindako hotel bateko ohe baten atzean, hormako irudi baten ondoan, forma ondulatua duten JORDMÅNEN kako gris ilun/berde batzuk daude; kakoetatik zintzilikatuta, aldiz, hondartzako eskuoihalak eta urpekaritza-ekipoa daude.

1. Nabarmendu ohea

Bezeroek ondo lo egin nahi dute. Zure hoteleko ohea bezeroen mailara egotea nahi baduzu, emaiozu protagonismo osoa. Arreta ohera bideratzeko, erabili oheburuko bat; eta tapizatua bada, hobeto. Irudi batzuk ere jar ditzakezu (binaka, lerrokatuta edo galeria baten modura), baita lanpara simetriko batzuk, tapiz-motako alfonbra bat edo apaingarri batzuk ere, oheari presentzia handiagoa emateko xedez.

Ikusi hormako apaingarri guztiak
TÄRNKULLEN ohe-egitura tapizatu beix batek hotel bateko ohe egin berri baten edertasuna nabarmentzen du. Ohea gau-mahai baten ondoan eta zebra batzuen irudi baten azpian dago.
Estilo bohemiarreko gela baten horman, estanpatu ondulatua duen eta eskuz ehunduta dagoen artilezko BANKKONTOR alfonbra bat dago; ohe baten eta kuxin batzuen gainetik zintzilikatuta dago.
Koloretako ohe-arropa duen ohe bat eta estilo modernoko irudi batzuk gainean horman zintzilikatuta ikusten dira; irudiek RÖDALM marko zuriak dituzte.
Hotel bateko hondartza-estiloko gela zabal bat; horma beix eta berde urdinxka argiak ditu, eta hezur-koloreko TONSTAD ohe-egitura bat du gelaren erdian.
Ohe tapizatu baten gainean, eskuz ehundutako ihizko GILLSTAD hormako apaingarri batzuk daude horman jarrita.
Ikusi hormako apaingarri guztiak

2. Jarri argi nahikoa

Bezeroek hainbat aukera izatea maite dute, batez ere lanpara eta argiei dagokienez. Hormako lanparak funtsezkoak dira hotel bateko gela bateko horma apaintzeaz ari garenean, baina ez zaie behar bezalako arreta ematen.

Emaiezu bezeroei beren erosotasunaren kontrola
Jarri hainbat lanpara- eta argi-mota erabilgarri. Argiztapen adimenduneko soluzioren bat jartzea aukera ona da, erregulagarria zein urrutiko kontrolduna. Argiztapen-zerrenda batzuk ere jar ditzakezu, sotilak eta –aldi berean– oso erabilgarriak baitira.

Aztertu lanparek gelaren estiloan duten eragina
Lanparek estiloa nabarmentzen dute (modernoa, tradizionala, industriala, landatarra, etab.), baita itzalita daudenean ere. Batzuek, hala nola SOLKLINT lanparek, harridura sortzen dute pizten direnean.

Ikusi hormako lanpara guztiak
Horma batean, SOLKLINT hormako lanpara piztuta eta letoizko hiru besoko KÄMPIG kako birakari bat daude; eskuinaldean, arropa zintzilikatuta dago.
Ikusi hormako lanpara guztiak

3. Ez ahaztu ispiluak

Bezeroek beti nahi dute itxura ona izatea eta ondo sentitzea, berdin dio negoziozko edo aisialdiko bidaia egiten duten. Ispiluei esker, gelek itxura handiagoa eta argitsuagoa dute. Gela guztiek gorputz osoko ispilu bat behar dute. Ondo argiztatutako ispilu bat jartzea ere oso praktikoa da –posible bada, bainugelatik kanpo eta mahai edo idazmahai baten ondoan– irten aurretik bezeroek beren itxurari azken begirada bat eman ahal izateko.

Ikusi ispilu guztiak
Piztutako horma-lanpara baten azpian, marko urreztatua eta goiko aldea biribildua dituen LINDBYN ispilu bat dago; ispiluan hotel bateko ohearen zati bat ikus daiteke.
Armairu baten gainetik zintzilikatuta, brontze-koloreko VARMBLIXT ispiludun hormako LED lanpara borobila dago; armairuaren gainean, hainbat apaingarri eta bozgorailu bat daude.
ROSENROBINIA gortina zeharrargi zuri bat duen leiho bat ikusten da, eta, ondoan, arropa batzuk dituen EKRAR esekileku zuri bat.
Hezur-koloreko TONSTAD idazmahai bat KRYLBO aulki beix ilun batekin; idazmahaiaren gainean, loreak dituen loreontzi bat eta NYMÅNE lanerako lanpara zuri bat daude.
Apain-mahai zuri baten gainean, lau BLODLÖNN ispilu karratu daude; eta, albo banatan, bi hormako lanpara bertikal dituzte.
Ikusi ispilu guztiak

4. Eskaini soluzio praktikoak eta biltegiratzeko errazak

Bezeroek xehetasun guztiei erreparatzen diete, batez ere bereziki praktikoak badira, eta xehetasun horiek benetan baloratzen dituzte. Hori aprobetxatu behar duzu. Hotel baten horman apaingarri bat jartzea ere oso praktikoa izan daiteke, eta adar bat, bainu-txabusina bat, ateko kartela edo nahi duzuna zintzilikatzeko erabil daiteke. Material, estilo eta diseinu guztietako kakoak eta esekitokiak ditugu; hortaz, aukeratu gehien komeni zaizuna.

Horma urdin batean, animalia-estanpatua duen zapi bat letoi-koloreko hiru besoko KÄMPIG esekitoki birakari batetik zintzilik dago; ondoan, ohe bat ageri da.
BJÄLVEN esekitokitik zintzilik dauden egitura gofratuko bi ROCKÅN bainu-txabusin hoteleko gela batean, EKET armairu urdin/gris argiak dituena.

5. Indartu zure nortasuna

Bezeroek ez dute zure establezimendua ahaztuko, eta askoz ere probabilitate handiagoarekin gomendatuko zaituzte haiengan eragina baduzu. Zure hoteleko hormak apaintzeko ideia txikienek ere zure establezimenduaren nortasuna indartu dezakete. Egin burura etortzen zaizuna (hala nola ispiluak ezohiko moduan kokatzea), baina saiatu egiteko eta mantentzeko erraza izatea, eta esperientzia hobetzen laguntzea.

Horma urdin batean, triangelu-forma ondulatua eta ratanezko markoak dituzten lau MARISTOVA ispilu; elkarrekin forma obalatua sortzen dute horman.

Erosi aurretik

Soluzio hauek etxean eta etxetik kanpo erabiltzeko asmatutako hainbat gauza nahasten dituzte. Egiaztatu zure erosketek araudiak betetzen dituztela eta egokiak direla zure inguruan aurreikusitako erabilerarako. Jar zaitez harremanetan IKEA Enpresentzat zerbitzuarekin sorta honen inguruko informazio gehiago lortzeko.

Ideia edo aholku gehiago nahi dituzu zure hoteleko hormak apaintzeko?

Hotel bateko gela argitsu batean, hosto-estanpatuko MYGGLASVINGE zorro nordikoa eta burko-zorroak dituen ohe bat; ohea horma baxu baten kontra dago.
Ikusi gure enpresentzako barne-diseinuen ideien galeria

Kontaiguzu zure esperientzia!