Saltatu
EU ESeuskara

Berrerabili, konpondu, birziklatu, berrimajinatu: bizimodu jasangarriagoa IKEA-rekin

2030erako enpresa zirkularra izateko prozesu zirraragarrian murgilduta gaude IKEA-n, eta bizimodu osasuntsua eta jasangarriagoa mundu guztiaren esku jarri nahian ari gara. Gauzak egiteko moduen inguruan hausnartzen eta haiek berritzen ari gara: materialen jatorria eta ustiatzeko modua, eta produktuak nola diseinatzen, garraiatzen, saltzen eta, zer esanik ez, nola birziklatzen diren. Merezi duen gauza ororen antzera, erronka eta abentura berriz betetako prozesua da hau, baina jendearen eta planetaren eguneroko bizitza hobetzeko bidean gaude.

Landareak daude HYLLIS apalategietan jarritako SESAMFRÖN loreontzietan eta zintzilikatutako CHILISTRÅN loreontzian; gainera, lauza zuriko horma baten ondoan daude kokatuta.
Landareak daude HYLLIS apalategietan jarritako SESAMFRÖN loreontzietan eta zintzilikatutako CHILISTRÅN loreontzian; gainera, lauza zuriko horma baten ondoan daude kokatuta.

Has gaitezen hasieratik

Enpresa zirkular bihurtzeko, produktuen garapen-fasetik hasi behar dugu eta, horren ondorioz, beharrezkoa da berrerabil, zaharberri, berrekoitz eta birzikla daitezkeen produktuak diseinatzea. Orain arte, 9.500 produktu baino gehiagoren zirkulartasun-ahalmena aztertu dugu eta, haiei esker, argiago daukagu zein diren gaur egun ditugun gaitasunak. Gure produktu guztiekin prozesu bera jarraitzea izango da hurrengo urratsa.

NIKKEBY komoda gorri batek bihotz gorri bat brodatuta dauka, eta komodaren gainean SLIBB lixibarako saski malgu arrosa bat dago.
Emakume bat tonu ertaineko urdina duen BLÅKULLEN ohe batean eserita dago. Gela banatzaile gisa erabili diren landare eta gortinak daude beste aldean eta bertan gizon bat dago eserita.
Kolore askotako TÅNUM alfonbra bat dago lauza griseko zoruan kiribilduta.

Gaurko soberakinak alfonbra bihurtuko dira bihar

TÅNUM alfonbra eskuz egina dago IKEA-ren kotoizko ehunen produkzioko soberakinekin. Hondakinak bota beharrean berrerabili egiten dira eta, horri esker, alfonbra guztiak desberdinak dira.

Aukera jasangarriagoak eta merkeak

IKEA denda batera joaten bazara, ez galdu "Bere horretan" saila bisitatzeko aukera. Hemen aurkituko dituzun produktuak (besteak beste, itzulitako produktuak, zoru-laginak, azken eskaintzak eta katalogotik kendutako altzariak) askoz merkeagoak dira. Izan ere, produktuek ahalik eta gehien irauteko asmoa daukagu, eta xede hori betetzen dugula ziurtatzeko estrategietako bat da sail hori.

Bizi era jasangarriagoan gehiegi gastatu gabe
Emakume bat eta gizon bat ohe-egitura urdin bat altxatzen ari dira, atondoaren albo batetik bestera eramateko.
Bizi era jasangarriagoan gehiegi gastatu gabe
Emakume eta gizon bat denda batean daude, ikusgai dauden produktuak begiratzen.

Profesionalen aholkua: Ahal duzunean, jo bigarren eskukoetara

Gogoan izan beti jada existitzen diren altzariak direla jasangarrienak. Horregatik, itzulitako edo bigarren eskuko produktuak erostea merkeagoa izateaz gain, planetarako hobea ere bada.

Etorkizun hobe baten alde berrerostea

2020an, 30,5 milioi produktu saldu ziren "Bere horretan" programaren bidez. Zein da hurrengo urratsa? Kalitate oneko bigarren eskuko produktuak guri birsaltzea erraztu nahi diegu IKEA-ko bezeroei. Hainbat IKEA saltokitan dagoeneko ekin diogu Berrerosketa programari.

Berrerosi eta birsaldu
Tonu zuriko jangela batean bi MELLTORP mahai, MELODI sabaiko lanpara zuriak eta hainbat koloretako LEIFARNE aulkiak daude.
Berrerosi eta birsaldu
Emakume bat denda bateko mahai baten gainean eserita dago, eta gizon bat dauka alboan.

Altzari zaharretarako etxe berria

Jangelako mahai handiagoa behar duzu? Mahai zaharra bueltan saltzen badiozu IKEA-ri, bigarren bizitza emango diozu eta beste bat erosteko diru estra lortuko duzu.

Topa, bizitza luzearen alde!

Badago gure produktuek bizitza luzea izango dutela ziurtatzeko bereziki garrantzitsua den alderdi bat: pertsona baten bizitzan zehar konpondu, berritu edo moldatu ahal diren altzariak diseinatu behar ditugu. Etengabe ari gara produktuei bizitza luzeagoa (eta erabilgarriagoa) emateko moduen bila; esaterako, elkar daitezkeen modulu-altzariak, erabat ken daitezkeen sofa-zorroak edo atalak estandarizatzea, erraz konpondu eta ordezkatu ahal izateko.

Marrazkiz betetako horma zuri-urdin baten ondoan, bi eserlekuko KLIPPAN sofa tantodun zuri-gorri bat eta BURVIK mahai osagarri bat daude.
Sukalde batean ENHET armairuak, MELLTORP mahai zuri bat, koloretako LEIFARNE aulkiak eta NISSAFORS orgatxo zuri bat daude.

Pertsonalizatu ENHET seriearekin

Altzariak behar ahala gehitzeko aukera emateaz gain, ENHET bainugelako seriea erraz desmuntatzen da. Horregatik, ahalegin handirik gabe eraman ahalko duzu zurekin, bizitzak eramaten zaituen edonora.

Lauza zuriak eta gorriak dituen bainugela batean ENHET armairu irekien konbinazioa dago muntatuta, txukun antolatutako gauzekin beteta.
Landarez jositako patio batean, SKARPÖ besaulki zuri bat, UTTER haurren taburete bat eta UTSUND LED argi-kate beltz bat daude.

Zergatik ez diozu bizitza berria ematen erosketa-poltsari?

Erosketa-poltsa, lixiba-poltsa edo loreontzi inprobisatua: FRAKTA poltsa edozer izan daiteke!

Kontaiguzu zure esperientzia!