Eduki nagusira joan

COVID-19aren kontrako neurri bereziak

365 egunez gain, 2 hilabete izango dituzu kasu hauetan:

  • Itzulketa egin nahi duzun dendan konfinamenduko eta/edo mugikortasuna murrizteko neurri berriak ezarri badituzte.
  • Itzultzeko epea neurri horiek dauden bitartean iraungitzen bada.

Bi hilabete gehiagoko epea itzulketa egin nahi duzun dendaren konfinamenduko eta/edo mugikortasuna murrizteko neurriak amaitzen direnean hasiko da zenbatzen.

Eska al dezaket itzulketa etxetik egitea?

Bai, baina kontuan izan garraio bidez egiten diren itzulketetarako ohi baino denbora gehiago behar dela COVID-19ak eragindako egoera dela eta. Eskerrik asko atzerapenak gerta daitezkeela ulertzeagatik.

Itzulketak

IKEAn iritziz alda dezakezu!

365 egun dituzu erosketak edozein dendatan itzultzeko*.

Ireki eta muntatu ondoren nahi ez baduzu, ez erabili eta ekar iezaguzu, erosketa tiketarekin betiere. Gogoan izan produktua erretiratzea ere eska dezakezula.

  • Produktuaren jatorrizko bilgarriak zigilua badu, zenbatekoa ordaintzeko erabilitako moduan itzuliko dizugu.
  • Bilgarria irekita edo zigilurik gabe badago edo produktua muntatuta baina erabili gabe badago, ekarri dokumentazioarekin eta muntatzeko jarraibideekin eta zenbatekoa itzulketa txartel batean emango dizugu.

Zurekin fidatzen gara! Itzulitako produktu guztiak dendako lankideek balioztatzen dituzte. Kontuan hartu, itzultzeko egokiak ez badira, ezin ditugula onartu.

*Zer baldintzatan egon behar dira produktuak itzulketa onartu ahal ez izateko?

  • Hondatuta edo hautsita.
  • Orbanak badituzte edo higiene ezaren zantzuak badituzte.
  • Itzulketa politikatik kanpo daude produktu hauek: Pertsonalizatutako produktuak (brodatuta daudenak barne), metrokako oihalak, KIOSK sistemaren bidez inprimatutako argazkiak, opari txartelak, emanda dauden zerbitzuak, elikagai freskoak, elikagai lehorrak iraungitze data itzulketaren dataren aurrekoa edo bera bada edota produktua edo bilgarria osorik ez badaude, landare naturalak eta Aukeren Saileko produktuak.
  • Kanpo daude ere IKEA Diseña dendetako itzulketak.
  • Kontuan izan itzultzeko politika hau partikularrek erabiltzeko produktuen erosketei soilik aplikatzen zaiela. Salbuetsita daude negozioetarako eta ekitaldi eta jarduera profesionaletarako egindako erosketak, IKEA Business-en bitartez beste onura eta baldintza batzuk ezartzen baitzaizkie.

Nola egin itzulketa bat?

Etxean bertan

Eskatu produktuak jaso diezazkizugun 900 400 922 telefonora deituz. Garraiolari bat bidaliko dugu aukeratzen duzun helbidera eskaera jaso diezazun.*

Erretiratzearen kostua:

  • 5€ bidalketa; paketeria-zerbitzuaren bidez jaso baduzu.
  • 39€ gainerako bidalketetarako.

Etxetik produktuak bueltatzeko pausoak:

  1. Deitu doan 900 400 922 telefono zenbakira.
  2. Bildu eta prestatu eskaera. Prestatu produktuak jatorrizko bilgarriarekin edo antzekoa den batekin. IKEA taldeak SMS bidezko testu bat bidaliko dizu, zure itzulketa jasotzeko eguna eta ordua zehaztuz.
  3. Emaiozu paketea garraiolariari. Adierazitako datan eta orduan, garraiolaria zure etxera joango da paketea jasotzeko. Hitzordua aldatu nahi baduzu, gurekin harremanetan jar zaitezke 900 400 922 telefonora deituz.
  4. Dirua jasoko duzu. Paketea biltegira iristen zaigunetik hasita 3 laneguneko epearen buruan jasoko duzu zure erosketaren zenbatekoa, ordaintzeko erabili zenuen metodo berean.

*Espainia penintsularrean soilik.

Correosen bulegoa

Itzulketa Correosen bulego batean egin dezakezu. Itzulketa horrela eginez gero, kostua 4€‑koa da, eta itzulketa ordaintzen dizugun unean kobratuko da, dagokizun guztizko zenbatekotik kenduta.Itzulketak baldintza hauek bete behar ditu: Itzulketa bakoitzak 30 kg pisatuko du guztira, gehienez; ez ditu zehaztutako neurriak* gaindituko; eta paketean itzulitako produktu guztiak eskaera berekoak izango dira. Kontsultatu gainerako zerbitzuak hemen.

Itzulketa Correosen bulego batean egiteko urratsak:

  1. Sartu formulario honetan , eta bete eskatutako datuak; beharrezkoak dira itzulketa prozesatu ahal izateko.
  2. Mezu elektroniko bat jasoko duzu. Mezuan, etiketa bat jasoko duzu; hori beharko duzu itzulketa Correosen bulego batean egin ahal izateko.
  3. 14 egun dituzu eskaeratik aurrera, itzulketa egin ahal izateko.
  4. Itzuliko duzuna paketatu eta prestatu, eta zoaz Correosen bulegora.
  5. Bidali dizugun etiketa itzuli nahi dituzun produktuen paketean itsatsi dezakezu edo, bestela, mugikorraren edo tabletaren bidez erakuts dezakezu Correosen bulegoko erakusmahaian.
  6. Kudeaketak egin eta itzultzeko gauzak dituen paketea entregatu ondoren, ziurtagiri bat jasoko duzu; horretan, jarraipen zenbaki bat izango duzu.
  7. Paketea dendan jasotzen dugunean, 72 orduko epean prozesatuko dugu zure itzulketa.
  8. Itzulketaren ordainketa jasoko duzu, 4€-ko kostua kenduta itzulketaren guztizko zenbatekoari (paketea Correosen bulegoaren bidez bidaltzeko kostua kenduta, hain zuzen).
  9. Itzulketa online egindako erosketa bati badagokio, ordainketa erosketa kargatu genuen kreditu txartelean egingo da. Itzulketa gure denda batean egindako erosketa bati badagokio, ordainketa banku transferentzia bidez egingo da formularioan eman zenigun IBAN zenbakian**.

*Itzulketa egiteko erabiliko den paketea kutxa formatukoa bada, ez da 210 cm baino handiagoa izango, luzera, altuera eta zabalera gehituta, eta neurririk handiena 120 cm-koa izango da gehienez. Itzulketa egiteko erabiliko den paketea biribilki edo hodi formatukoa bada, luzeran 120 cm izango ditu gehienez.
**Eman zenigun IBAN zenbakia Espainiako banku kontu batena izan behar da.

Zein da itzulketa batean jasoko dudan zenbatekoa?

Behin produktuak egoera onean daudela egiaztatuta, produktuengatik ordaindu duzun zenbatekoa itzuliko dizugu. Kontuan izan erosketaren unean kontratatutako garraio-zerbitzuaren kostua ez dela itzuliko.

Itzulketa ordaintzeko erabili zenuen metodo beraren bidez egingo dizugu, betiere produktuak jatorrizko bilgarria badute.

Noiz jasoko dut nire itzulketaren zenbatekoa?

Itzulketa gure dendetan egitea eskatzen badiguzu, ordaindu zenuen zenbatekoaren itzulketa berehala kudeatuko da.

  • Txartel bidezko itzulketetan, zenbatekoa kontuan berehala ikusgai izatea da ohikoena, baina gehienez 3 egun ere behar izan ditzake kontuan ikusgai izan dezazun.
  • Eskudiru bidezko itzulketen kasuan, zenbatekoa berehala itzuliko dizugu.
  • Itzulketak opari-txartelean edo sustapen-txartelean berehalakoak dira.
  • Itzulketa etxean bertan egitea aukeratzen baduzu, gure bezeroen arretarako zerbitzuaren bidez:
  • Zenbatekoa zure txartelean edo helbideratze-kontuan jasoko duzu merkantzia dendara iristen zaigunetik hasita 3 laneguneko epearen buruan.

Zer behar dut itzulketa bat egiteko?

  • Ezinbestekoa da erosketa-tiketa edo erosketen faktura erakustea.
  • 365 eguneko epearen baitan egotea.
  • Eraman erosketa ordaintzeko erabili zenuen txartela, ordainketa-metodo honetan egindako erosketetarako.
  • Online eskaera bat egin eta fakturarik jaso ez baduzu, zure eskaera-zenbakia behar dugu. Eskaera baieztatzeko mezuan aurki dezakezu.

Edozein produktu itzul dezaket?

Bai, baldin eta produktua erabilera dela-eta kaltetuta ez badago. Kontuan izan hurrengo produktuak aldaketa eta itzulketen politikatik kanpo daudela:

  • Kontratatutako zerbitzuak.
  • Opari-txartelak.
  • Produktu pertsonalizatuak, bordatuak daudenak barne.

Hurrengo produktuak itzulketa-txartel gisa itzuliko dira:

  • Aukeretako produktuak.
  • Sukalde-gainekoak moztuta.
  • Oihala metroka.
  • Landare bizidunak.

Zer egin behar dut bidalketan kaltetu den produktu bat jasoz gero?

Ahalegin handia egiten dugu produktu guztiak etxe berrira egoera paregabean irits daitezen. Benetan sentitzen dugu produktu bat kaltetuta iritsi bazaizu.

Kasu honetan, jar zaitez gure Bezeroaren Arretarako Zerbitzuarekin harremanetan 900 400 922 telefono zenbakira deituz (8:00etatik 22:00etara), edo honakoinprimakia bidali.

IKEA dendetako batean jasotzeko online erosketa bat bada, entregatzeko aukeratu duzun IKEA dendarekin ere jar zaitezke harremanetan.

Atzera egiteko eskubidea online erosketetarako

Online egindako erosketan atzera egitea eska dezakezu 900 400 922 telefonora deituz edo mezu elektroniko bat bidaliz honako helbidera: csc.ibes.ES@ikea.com atzera egiteko eskaerabetez.

Edozein higadura edo kalte mota duen produktu guztiak uko egiteko eskubidetik kanpo geratuko dira.

Gure produktuen kalitatean konfiantza osoa dugu, gure produktuen bermeari buruzko informazio gehiago aurki dezakezu hemen.

Itzultze-politika ez zaio aplikatzen zerbitzuen kontratazioari. Gehiago jakiteko, irakurri ohiko galderak.