LED bonbilla apaingarriak

Txertatu bonbilla zure lanpararen diseinuan Askatu sormena argiztapen-gailuak hautatzean eta gehitu LED bonbilla apaingarria pantailarik gabeko lanpara ezin hobea sortzeko.

Antzinako gauzak nobedade dira berriz

Bonbilla arruntak jada ez daude modan: elementu tradizionalek gela guztietan giro egokia sortzeko itzuli dira. Harizpiak ikusgai dituzten bonbillak itzuli dira estilo vintagearekin eta argi epelarekin. "Edison bonbillak" ere deitzen zaie, eta horien ezaugarririk nagusiena harizpiak dira, erdialdean ikusgai geratzen direnak. Bonbilla mota horiek tamaina eta formen aukera handia dute. Igortzen duten argia ahula eta epela denez, bikainak dira giro epela eta erosoa sortzeko. Jangelan, logelan edo egongelan giro lasaigarria sortzeko apartak dira.

Energia-aurrezpena

Nahiz eta retro itxura izan, ez duzu zertan teknologia modernoa baztertu. Jatorrizko bonbillek karbonozko harizpiak zituztenez, argi baino bero gehiago igortzen zuten. Beraz, garatu dugun bonbilla apaingarri horien bertsioa energetikoki eraginkorrak diren LED bonbillak dira. Nahiz eta LED bonbilla horiek harizpiak eduki, bero gutxiago igortzen dute, eta etxerako aukera seguruagoa dira. Gainera, vintage bertsioarekin alderatuta, bizitza baliagarri luzeagoa izango dute.

Harizpi motak

Berdin dio pantaila batekin partzialki estaltzen dituzun edo ez, bonbillen edertasuna ez da soilik igortzen duten epeltasunean oinarritzen. Bonbillaren barruko harizpiek hainbat posizio ezberdin dute, interes bisuala areagotzeko.

Ikusgai dauden harizpiek estilo ezberdin hauek dituzte:

• Espiralean: harizpia kiribila osatuz dago bilduta.

• Urkila-forman: harizpiek ile-urkilaren antza dute.

• Kaiola-forman: harizpiak gorantz eta beherantz kokatuta daude zirkulua osatuz, kaiola baten modura.

Bonbillen formak eta estiloak

Harizpiak ikusgai dituzten bonbilla gehienek vintage estiloko formak dituzte, eta apartak dira jatorrizko Edison bonbillen artisau-puztearen itxura imitatzeko. Hainbat forma daude eskuragarri, udare-formako bonbilla zilindriko txikietatik globo-formako bonbilla handiagoetara. Harizpiak ikusgai dituzten beirazko beste bonbilla modernoago batzuk ere baditugu. Horietako batzuek beira tindatua edo ehunduraduna dute, argiztapen-gailuari itxura nabarmenagoa emanez. Azkenik, beste LED bonbilla apaingarri batzuk ere ditugu, hala nola argimutiletarako bonbillak, armiarma-lanparak eta pareta-argiak osatzeko.