Gortinak eta estoreak
Leiho guztiek uzten diote argiari igarotzen, baina edertasuna eta estiloa gehitzea, zarata eta aire-korronteak murriztea eta sartzen den argi-maila kontrolatzea nahi baduzu, garrantzitsua da haientzako osagarri egokiak hautatzea. Abantaila horiek gehiago aprobetxatu nahi baina hainbeste leiho ez badituzu, erabili gortinak giroak bereizteko edo armairuko atearen ordezko gisa.
Gortina nagusia
Argia kontrolatzen baduzu, gela kontrolatzen duzu. Gortinak dira eragin handiena izan dezaketen eta zure etxeari aukera gehien eman diezaioketen gauzetako bat. Zorionez, IKEA-k erosketaren edozein zerrenda asetzeko materialak, diseinuak eta tamainak ditu. Zure beharretarako gortina egokia aukeratu besterik ez duzu, isolamenduari, zarata murrizteari, dekorazioari, argia mugatzeari, espazioak mugatzeari edo ehun fin eta lodiaren konbinazioari dagokionez. Eta ehunez gain, tamaina guztietako geletara egokitzen diren barrak eta errail-sistemak ere baditugu.
Gortina eta estore ezin hobeak dendan zein linean aurkituko dituzu gure produktu-sortan. Hainbat estilo eta kolore ditugu eskuragarri; beraz, edozein gelarako aukerak dauzkagu.
Ezagutu ehunen alaitasuna, dotoretasuna eta funtzionaltasuna IKEA gortina modernoekin. Agian igandeetan eguzkiaren argia blokeatu nahi duzu goizean lo gehiago egiteko. Edo baliteke gela bat zatitzeko modu erraz eta dotore bat nahi duzula. Dena den, zure beharretara egokitzen diren gortinak aurkituko dituzu hemen.
Aurkitu dituzunean, ziurtatu bat datozen barrekin eta errailekin konbinatzen dituzula.
Gela bakoitzerako gortina egokiak aukeratzeko jarraibideak
Logelarako, egongelarako edo sukalderako gortinak aukeratzea sekulako erronka izan daiteke. Errazago izan dadin, lehenik, funtzionaltasuna kontuan hartu behar duzu. Begiratu gelaren orientazioa, pentsatu zertarako erabiliko duzun eta planifikatu hori kontuan hartuta. Jarraian hainbat aholku eskaintzen ditugu.
Logeletarako gortinak
Zure logela ekialdera begira badago, goizetan bete-betean jasoko du eguzkiaren argi bikaina. Mendebaldera begira badago, argia sartuko da iluntzen hasi arte. Pentsatu gortina lodi batzuk behar dituzun argia blokeatzeko, eguzkiak traba egin ez diezazun lo zaudenean.
Dekorazio-trikimailu bat estoreak jartzea gortinen atzean da, ondo konbinatutako kolore batekin. Horrek aparteko sakontasuna eransten dio gelari.
Egongelarako gortinak
Zure egongela ekialdera begira badago eta telebista leihoen aurrean badaude, eguzkiaren distirak zure hurrengo zinema-saioa zapuztu lezake. Gela iluntzen duten gortinek argia blokeatzen lagun diezazukete, ikusi ez duzun pelikula batean murgildu nahi baduzu.
Zure telebistan argia islatzen ez bada, agian nahiago dituzu gortina zeharrargiak eta argitsuak, egunez argia pasatzen uzteko. Beste aukera bat zure egongelaren diseinuarekin konbinatzen duen estanpatu polit bat duten gortinak aukeratzea da.
Sukalderako eta bainugelarako gortinak
Pertsiana veneziarrak aukera bikaina dira sukalderako. Platerak garbitzean harraskako xaboidun urak zipriztintzen baditu, oso erraz lehortzen dira. Konbinatu pertsiana veneziarrak zerrenda apaingarri polit batekin.
Bainurako gortinei dagokienez, pribatutasuna kontuan hartu beharreko faktorea da. Aukeratu bainugelako leiho osoa estaltzen duten gortina batzuk, baina argia sartzen uzten dutenak.
Gortina luzeak kokatzeko jarraibideak
Gortina luzeak modu askotan jar daitezke. Eseki leihoaren alboetan, kanpoaldeko ikuspegia markoztatzeko. Leihoaren gainetik jartzen badituzu eta alboetan leku gehiago uzten baduzu, gela handiagoa dela emango du. Hemen kolore eta tonu desberdinekin jolas dezakezu giro dinamiko bat sortzeko.
Zure etxean gortinekin espazio berriak sortzeko jarraibideak
Gortina lodi batzuekin, gela berean bi espazio bereizi eta independente sor ditzakezu. Adibidez, teknika hau erabil dezakezu zure egongelan lan-espazio txiki bat sortzeko. Baita zure seme-alabei beren lekua emateko ere, logela partekatzen badute.
Gela bat gortina luze batzuekin zatitzeko, barrak edo errailak sabaian jarri beharko dituzu. Jarri gelaren erdian, edo zatiketa ezarri nahi duzun lekuan. Ondoren, eseki gortinak eta voilà!