Alfonbra persiar eta ekialdekoak
Eskaintzen ditugun pertsiar alfonbrak ere paregabeak dira. Artisauek eskuz egin dituztenez, guztiak ezberdinak dira. Gainera, artilez eginak daudenez, iraunkorrak dira eta ez dira asko zikintzen. Eman begirada bat estilo eta tamaina ezberdinei eta aurkitu ehunez egindako artelan bat etxerako.
Persiar alfonbrak oso baliotsuak dira euren edertasunagatik, dauzkaten diseinu konplexuengatik eta euren garrantzi kulturalagatik.
Materialik onenekin eginak daude, esaterako, zeta eta artilea. Antzina, errege-jauregien eta etxe aristokratikoen zoruak apaintzeko egiten ziren.
Gaur egun, alfonbra fin horiek bildumagile eta jabe askoei gustatzen zaizkie, ederrak direlako, historia aberatsa dutelako eta xarma garaikidea daukatelako.
Etxeko edozein gelarako ekarpen ezin hobea
Persiar alfonbrak eta alfonbra ekialdetarrak hainbat eratan erabil daitezke etxeko apainketa hobetzeko, berotasuna, erosotasuna eta estiloa ematen baitiote edozein lekuri.
Alfonbrak esparru handiago batean eremu bat zehazteko erabili ohi dira, hala nola esertzeko eremua edo jateko gunea, edo, bestela, esparru bat bateratzeko ere erabiltzen dira.
Alfonbrak ezagunak dira euren kolore biziengatik eta estanpatu konplexuengatik, eta gelari interes bisuala eta ehundura emango dion osagarri praktikoa izan daitezke. Esparruari luxuzko ukitu dotorea emateko elementu apaingarri liluragarri gisa erabil daitezke.
IKEA-k eskuz egindako persiar alfonbren eta alfonbra ekialdetarren aukera zabala eskaintzen du; horiek iraunkorrak dira era naturalean eta zikinkeria jasaten dute. Bilduma eder horretan aurki ditzakezun eskuz egindako alfonbrak paregabeak ere badira, material naturalez egin baitituzte India eta Bangladeshko artisau adituek.
Alfonbren zaintza eta mantentzea
Persiar alfonbrak eta alfonbra ekialdetarrak urte askoz ederrak izaten jarrai daitezen, ezinbestekoa da ondo zaintzea, hau da, garbitzea eta mantentze-lanak era zuzenean egitea.
Lehenik egin behar duzun gauzarik garrantzitsuena maiz xurgatzea da, zikinkeria, hautsa eta hondakinak zuntzetan pila ez daitezen. Hala ere, zikintzen badira edo horien gainean zerbait isurtzen bada, funtsezkoa da azkar aritzea.
Ez erabili produktu kimikoak edo detergente urratzaileak, alfonbraren zuntzak eta koloreak honda baititzakete. Alfonbraren zipriztinak garbitzeko, lehortu eremua oihal garbi eta lehorrarekin edo paper xurgatzailearekin, ahalik eta likido gehien kentzeko. Ondoren, erabili oihal hezea garbitzeko.
Denbora igaro ahala, baliteke alfonbrak zikinkeria, hautsa eta hondakinak metatzea, eta ezin izango dituzu xurgagailuarekin edo aldizkako garbiketa batekin kenduko. Kasu horretan, profesional batek garbitzea gomendatzen dizugu.
Azkenik, alfonbraren kokapena hautatzerakoan, ziurtatu leihoetatik eta ateetatik urrun kokatzen duzula, eguzki-izpien edo euriaren eraginpean gera ez dadin. Eguzki-izpien eta hezetasunaren aurkako babesari esker, koloreak eta ehundurak denbora gehiagoz iraungo dute.